Fréttir og tilkynningar

24. mars 2020 : Skilaboð til barna og unglinga

Ef þú ert barn eða unglingur og þarft aðstoð - hvernig getur þú þá fengið hjálp? Þú getur alltaf hringt í barnanúmerið sem er númer Neyðarlínunnar 112!

Líður þér illa eða hefur þú áhyggjur af því hvernig einhver annar hefur það? 

Þá getur þú haft samband beint við barnaverndina þar sem þú býrð – en þú getur líka alltaf hringt í Neyðarlínuna 112.

 

>> Lesa meira

23. mars 2020 : Skotar færast nær Barnahúsi að íslenskri fyrirmynd

Í byrjun mars kom opinber sendinefnd frá Skotlandi í heimsókn til Íslands til að skoða Barnahúsið okkar. Í sendinefndinni voru fulltrúar frá samtökunum Children 1st, lögregluyfirvöldum, dómskerfinu, heilbrigðiskerfinu og félagsþjónustu Skotlands sem vildu kynna sér reynslu íslendinga. 

>> Lesa meira

10. mars 2020 : Viðbrögð Barnaverndarstofu vegna Covid-19 veirunnar.

Opnunartími afgreiðslu í Borgartúni 21 og símsvörun í 530 2600 verður styttur og verður næstu vikur kl. 10 – 15. Ávallt er hægt að senda póst á bvs@bvs.is.

Velferð og heilsa starfsfólks og skjólstæðinga er í forgangi. Miða áætlanir og viðbrögð að því að takmarka eins og kostur er að starfsfólk veikist og/eða smiti aðra starfsmenn og að samfélagið í heild verði í stakk búið til að takast á við afleiðingar veirunnar. Hefur Barnaverndarstofa því gripið til ýmissa aðgerða til að tryggja að þjónusta við börn falli ekki niður.

Opnunartími afgreiðslu í Borgartúni 21 og símsvörun í 530 2600 verður styttur og verður næstu vikur 10 – 15. Áfram verður hægt að ná í einstaka starfsmenn með tölvupósti og ávallt er hægt að senda póst á bvs@bvs.is.

Takmörkun á fundahöldum og heimsóknum. Ráðgjöf mun fara fram eins og kostur er í gegnum síma, netpóst eða með fjarfundarbúnaði. Fjölda fundarmanna verður haldið í lágmarki á þeim fundum sem haldnir verða.

Breytingar á mönnun á meðferðarheimilum miða að því að draga úr líkum á að smit berist milli deilda, starfsmanna eða til barna. Dregið verður úr komum utanaðkomandi eins og mögulegt er. Ráðstafanir í sömu átt verða gerðar í Barnahúsi og í MST teymum Barnaverndarstofu.

Með ofangreindum viðbrögðum vonast Barnaverndarstofa til þess að hægt verði að halda úti eins hefðbundinni þjónustu og mögulegt er.

Daglega er farið yfir stöðuna hjá Barnaverndarstofu og ef breytingar verða gerðar á ofangreindu verða tilkynningar þess efnis settar á heimasíðu stofunnar.

Fréttasafn



Language