Yfirlit yfir barnaverndarmál á öðrum ársfjórðungi 2007

1. nóvember 2007

Barnaverndarstofu bárust 34 umsóknir um meðferð á öðrum ársfjórðungi 2007. Á sama tíma í fyrra höfðu borist 43 umsóknir. Barnaverndarstofu bárust auk þess 28 umsóknir um fósturheimili fyrir börn og voru flestar um tímabundið fóstur eða 78% allra umsókna. Auk þess bárust Barnaverndarstofu 18 umsóknir þeirra sem óskuðu eftir því að gerast fósturforeldrar. Flestar umsóknir komu frá Reykjavík og nágrenni. Ekkert barn fór í fóstur á vegum Martinswerk.

Í Barnahúsi fóru fram 35 rannsóknarviðtöl á öðrum ársfjórðungi, þar af 16 skýrslutökur eða 46% allra rannsóknarviðtala. Greiningar- og meðferðarviðtöl voru 15. Fjórar læknisskoðanir fóru fram í Barnahúsi á þessum tíma.

Á öðrum ársfjórðungi 2007 bárust alls 2.159 tilkynningar um 1.769 börn. Ef fjöldi tilkynninga er borinn saman við annan ársfjórðung 2006 kemur í ljós að þeim hefur fjölgað um rúm 45% milli ára og fjöldi barna um rúm 26%. Alls voru 41% tilkynningar kannaðar frekar á tímabilinu, þ.e. mál 717 barna.

Hér má sjá skýrslu um stöðu mála á fyrsta ársfjórðungi.
Hér má sjá frekari skiptingu á stöðu mála skipt eftir barnaverndarnefndum.
Til baka


Language