Greining og uppeldisráðgjöf heim

27. janúar 2009

Haustið 2008 fór af stað nýtt úrræði fyrir Barnavernd Reykjavíkur sem kemur til viðbótar úrræðinu „Stuðningurinn heim“ þ.e. uppeldisráðgjöf heima hjá fjölskyldum. Nýja úrræðið „Greining og uppeldisráðgjöf heim“ er einungis fyrir Barnavernd Reykjavíkur og fer fram greining á uppeldisvanda fjölskyldunnar auk stuðnings. Úrræðið er ætlað fyrir fjölskyldur barna 0-12 ára og er hluti af Vistheimili barna. Starfsmenn sinna „Greiningu og uppeldisráðgjöf heim“ í 30 % starfi og Vistheimili barna í 70%.

Undirbúningshópur skipaður af Velferðarsviði Reykjavíkurborgar vann að undirbúningi úrræðis frá árinu 2006. Hannað var sérstakt efni sem að mestu byggir á Uppeldisbókinni eftir Edward R. Christophersen Ph.D og Susan L. Mortweet Ph.D. Einnig eru notaðar aðferðir sem hafa verið notaðar í greiningar og kennsluvistun á Vistheimili barna. Auk þess kynnti forstöðumaður Vistheimilis barna sér svipað úrræði í Bergen í Noregi. Inga Stefánsdóttir sálfræðingur leiðbeindi starfsfólki við hönnun efnis og er handleiðari á Laugarásvegi. Hugmyndafræðin að baki úrræðinu er að draga úr vistunum barna utan heimilis.

Ennþá er ekki komin full reynsla á úrræðið en eftirspurn er mikil og þegar kominn biðlisti. Gert er ráð fyrir tveggja ára reynslutíma og verður framkvæmd og árangur metin á tímabilinu. Hér má sjá nánari upplýsingar um framkvæmd.
Til baka


Language