MÁLÞING UM RAFRÆNT EINELTI

5. febrúar 2009

Í tilefni að alþjóðlega netöryggisdeginum 10. febrúar stendur SAFT fyrir málþingi um rafrænt einelti í Skriðu, Háskóla Íslands, við Stakkahlíð, kl. 14.30 – 16.15.
Á málþinginu, sem heilbrigðisráðherra setur, verður m.a. fjallað um tegundir og birtingaform rafræns eineltis, nýja rannsókn á rafrænu einelti, tæknilegt umhverfi rafræns eineltis og eftirlit foreldra, afskipti og meðferð lögreglunnar á rafrænu einelti og sál- og félagsfræðilegar hliðar eineltis. Fundarstjóri verður Þorlákur Helgason, framkvæmdastjóri Olweusarverkefnisins á Íslandi. Þátttökugjald á málþing er ekkert en gestir eru vinsamlega beðnir um að tilkynna þátttöku á saft@saft.is. Boðið verður upp á veitingar. Sérstök athygli er vakin á því að málþingið verður einnig sent út á vefnum, vefslóð fyrir netútsendingu er http://sjonvarp.khi.is/. Nánari upplýsingar á heimasíðu SAFT, www.saft.is.
SAFT, vakningarverkefni um jákvæða og örugga netnotkun barna og unglinga á netinu og tengdum miðlum, hefur á síðustu árum staðið fyrir viðburðum á alþjóðlega netöryggisdaginn. Í ár standa SAFT, Heimili og skóli, Síminn, Microsoft Íslandi, menntamálaráðuneytið og Lýðheilsustöð, sameiginlega að málþingi um rafrænt einelti þennan dag.

Dagskrá málþingsins er hér en nánari upplýsingar veitir Guðberg K. Jónsson Verkefnastjóri SAFT í S. 6985575 og gudberg@saft.is
Til baka


Language