Ellefta Foster Pride námskeiði fyrir fósturforeldra að ljúka

27. mars 2009

Ellefta Foster Pride námskeiðinu lýkur í dag 27. mars 2009. Foster Pride námskeiðin eru námskeið fyrir fósturforeldra áður en þeir taka börn í fóstur en á námskeiðinu fer einnig fram ákveðið hæfnismat. Starfandi fósturforeldrum og barnaverndarstarfsmönnum er einnig ráðlagt að sækja námskeiðið. Um er að ræða bandarískt kennsluefni í fósturmálum sem hefur verið að ryðja sér til rúms á Norðurlöndum. Barnaverndarstofa festi kaup á Foster Pride í apríl 2003 og var fyrsta námskeiðið haldið í febrúar – apríl 2004. Alls hafa198 aðilar tekið þátt í Foster Pride, 180 fósturforeldrar, 14 starfsmenn barnaverndarnefnda og 4 starfsmenn/nemar hjá Barnaverndarstofu. Á námskeiðinu sem nú er að ljúka eru 18 þátttakendur víðs vegar af landinu.

Næsta Foster Pride námskeið verður haldið í september nk. Áhugasömum er bent á að hafa samband við Barnaverndarstofu í síma 530-2600. Einnig er hægt að senda tölvupóst á Hildi Sveinsdóttur á hildur@bvs.is til að fá frekari upplýsingar.
Til baka


Language