Ný heimasíða Stuðla

28. maí 2010

Stuðlar, meðferðarstöð ríkisins fyrir unglinga hefur tekið í notkun nýja heimasíðu studlar.is en þar er að finna ýmislegt efni um starfsemina. Starfsemin á Stuðlum skiptist í tvennt: Meðferðardeild þar sem fram fer greining og meðferð og lokaða deild (neyðarvistun) þar sem fram fer gæsla og mat. Einkunnarorð Stuðla eru virðing - vöxtur - heiðarleiki og traust – frelsi og taka allar starfsaðferðir mið af þeim reglum og reglugerðum sem félags- og tryggingamálaráðuneyti og Barnaverndarstofa hafa sett um starfsemi meðferðarheimila. Vímuefnaeftirlit á Stuðlum er virkt og gerðar reglulegar leitir í vistarverum unglinga, húsnæði og við umhverfi Stuðla.

Samstarf er við Fjölkerfameðferð Barnaverndarstofu (MST) og er einnig unnið eftir hugmyndafræði Sáttamiðlunar (Restorative Justice). Þá hefur ART eða Aggression Replacement Training verið nýtt í meðferð á Stuðlum frá því 2007.

Þann 17. maí sl. var umfjöllun um Stuðla í Íslandi í dag á Stöð 2 þar sem farið var yfir starfsemina og tekið viðtal við nokkra starfsmenn. Hér má nálgast umfjöllunina sem birtist á Stöð 2.
Til baka


Language