Bók um kynferðisofbeldi

6. október 2011

Barnaverndarstofa fagnar útgáfu bókarinnar „Hinn launhelgi glæpur. Kynferðisbrot gegn börnum“ sem er mikilvægt framlag til umræðu um kynferðisbrot gegn börnum. Fjöldi höfunda kemur að ritun bókarinnar en ritstjóri og meðhöfundur er Svala Ísfeld Ólafsdóttir, dósent í refsirétti og afbrotafræði við lagadeild Háskólans í Reykjavík.

Í bókinni sem er í þremur hlutum, er á þriðja tug greina þar sem fjallað er um viðfangsefnið á forsendum ólíkra fræðigreina. Fyrsti hluti fjallar um löggjöf og meðferð kynferðisbrota gegn börnum, annar hluti um þolendur kynferðislegrar misnotkunar og að lokum er fjallað um gerendur. Bókin nýtist við kennslu á háskólastigi á ýmsum sviðum félagsvísinda og lögfræði auk þess að vera handbók fyrir alla sem starfa að málefnum barna. Nánari upplýsingar um innihald bókarinnar og höfunda má nálgast hér.
Til baka


Language