Aukið álag getur tafið meðferð!

Barnahús leggur mesta áherslu á skýrslutökur vegna kynferðisofbeldis

7. febrúar 2013

Í viðtali í Morgunblaðinu þann 7 febrúar segir forstjóri Barnaverndarstofu, Bragi Guðbrandsson, að þrátt fyrir stóraukið álag á starfsmenn Barnahúss sé enn unnt að sinna hratt skýrslutökum fyrir dómstóla. Hins vegar sé hætt við að önnur verkefni, einkum meðferðarviðtöl við börn, tefjist. Fjórir sérfræðingar vinna hjá Barnahúsi auk ritara og sinnir stofnunin öllu landinu. Tæplega þreföldun varð á málum sem bárust Barnahúsi í janúarmánuði.

Helstu verkefni Barnahúss eru að sögn Braga annars vegar rannsóknarviðtöl við börn sem hafa greint frá kynferðisofbeldi eða börn sem ástæða þykir að ræða við vegna gruns um slíkt ofbeldi. Hins vegar er um að ræða greiningu og meðferð umræddra barna og ráðgjöf til handa foreldrunum, einnig þarf að tryggja læknisskoðun. „Við ráðum ekki við þetta svo vel sé, það lætur alltaf eitthvað undan þegar svona áhlaup verða á okkar þjónustu," segir Bragi. Hér má lesa viðtalið í heild sinni.
Til baka


Language