Barnaverndarþjónusta
og umdæmisráð
Barnaverndarþjónusta sveitarfélaga
Með nýrri skipan barnaverndar er horfið frá því að barnaverndarnefndir séu skipaðar með sama hætti og fastanefndir sveitarstjórnar, þ.e. í takti við pólitískar áherslur og skiptingu í meiri- og minnihluta, en áherslan færð á faglega meðferð barnaverndarmála hjá barnaverndarþjónustu sveitarfélaga. Áfram er þó gert ráð fyrir að sveitarstjórn fari með yfirstjórn barnaverndarþjónustu og er heimilt að fela hana fastanefnd.
Hvorki sveitarstjórn né fastanefnd er heimilt að gefa barnaverndarþjónustu fyrirmæli um meðferð einstakra mála og er eingöngu heimilt að afla upplýsinga frá barnaverndarþjónustu sem eru nauðsynlegar til þess kjörnir fulltrúar geti sinnt stefnumörkunarhlutverki sínu. Sveitarstjórn setur samþykkt þar sem vald til fullnaðarafgreiðslu mála samkvæmt lögunum er falið einum eða fleiri úr hópi starfsfólks barnaverndarþjónustu.
Miðað er við að í umdæmi hverrar barnaverndarþjónustu og umdæmisráðs barnaverndar skuli vera í það minnsta 6.000 íbúar. Eins og nánar er rakið í greinargerð með lögunum var 6.000 íbúa viðmiðið valið út frá því hversu mörgum málum barnaverndarþjónusta þyrfti almennt að sinna til að geta haldið úti nægilega faglegu starfi. Hægt er að fá undanþágu frá íbúalágmarkinu varðandi barnaverndarþjónustu ef næg fagþekking er til staðar innan barnaverndarþjónustu eins og nánar er lýst í lögunum. Þá er það jafnframt skilyrði að fyrir liggi samningur um samstarf um umdæmisráð barnaverndar enda ekki gert ráð fyrir að hægt sé að fá undanþágu frá íbúalágmarkinu hvað það varðar.
Hér má nálgast upplýsingar um barnaverndarþjónusturnar:
- Barnavernd Reykjavíkur
- Barnaverndarþjónusta Seltjarnarnesbæjar
- Barnaverndarþjónusta Kópavogs
- Barnaverndarþjónusta Garðabæjar
- Barnaverndarþjónusta Hafnarfjarðar
- Barnaverndarþjónusta Reykjanesbæjar
- Barnaverndarþjónusta Grindavíkur
- Barnaverndarþjónusta Suðurnesjabæjar og Voga
- Barnavernd Mosfellsbæjar
- Barnaverndarþjónusta Akraness
- Barnavernd Borgarbyggðar og Hvalfjarðarsveitar
- Barnaverndarþjónusta Snæfellinga
- Barnaverndarþjónusta Norðanverðra Vestfjarða
- Barnaverndarþjónusta Vesturbyggðar og Tálknafjarðar
- Barnaverndarþjónusta Stranda og Reykhóla
- Barnaverndarþjónusta Mið-Norðurlands
- Barnaverndarþjónusta Eyjafjarðar
- Barnaverndarþjónusta Þingeyinga
- Barnaverndarþjónusta Múlaþings
- Barnaverndarþjónusta Fjarðabyggðar og Hornafjarðar
- Barnaverndarþjónusta Árborgar
- Barnaverndarþjónusta Hveragerðis og Ölfuss
- Barnaverndarþjónusta Uppsveita Árness og Flóa
- Barnaverndarþjónusta Rangárvalla- og V- Skaftafellssýslu
- Barnaverndarþjónusta Vestmannaeyjabæjar
Sveitarfélög í stafrófsröð
- Akraneskaupstaður
- Akureyrarbær
- Árborg
- Árneshreppur
- Ásahreppur
- Bláskógabyggð
- Bolungarvíkurkaupstaður
- Borgarbyggð
- Dalabyggð
- Dalvík
- Eyja- og Miklaholtshreppur
- Eyjafjarðarsveit
- Fjallabyggð
- Fjarðabyggð
- Fljótsdalshreppur
- Flóahreppur
- Garðabær
- Grindavíkurbær
- Grímsnes- og Grafningshreppur
- Grundarfjarðarbær
- Grýtubakkahreppur
- Hafnarfjörður
- Hornafjörður
- Hrunamannahreppur
- Húnabyggð
- Húnaþing vestra
- Hvalfjarðarsveit
- Hveragerðisbær
- Hörgársveit
- Ísafjarðarbær
- Kaldrananeshreppur
- Kjósarhreppur
- Kópavogsbær
- Langanesbyggð
- Mosfellsbær
- Múlaþing
- Mýrdalshreppur
- Norðurþing
- Rangárþing eystra
- Rangárþing ytra
- Reykhólahreppur
- Reykjanesbær
- Reykjavík
- Seltjarnarneskaupstaður
- Skaftárhreppur
- Skagabyggð
- Skagafjörður
- Skeiða- og Gnúpverjahreppur
- Skorradalshreppur
- Snæfellsbær
- Strandabyggð
- Stykkishólmsbær
- Suðurnesjabær
- Súðavíkurhreppur
- Svalbarðstrandahreppur
- Sveitarfélagið Skagastönd
- Tálknafjarðarhreppur
- Tjörneshreppur
- Vestmannaeyjabær
- Vesturbyggð
- Vogar
- Vopnafjarðarhreppur
- Þingeyjarsveit
- Ölfus
Umdæmisráð barnaverndar
Samkvæmt lögunum eru umdæmisráð barnaverndar nýjar stjórnsýslunefndir sem fara með úrskurðarvald í ákveðnum barnaverndarmálum á vettvangi sveitarfélaga. Að meginstefnu til eru umdæmisráðum barnaverndar falin þau verkefni sem barnaverndarnefndir fara með að gildandi lögum og hafa ekki heimildir til að framselja til starfsmanna. Umdæmisráðin eru skipuð til fimm ára, eru sjálfstæð í störfum sínum, standa utan við almenna stjórnsýslu sveitarfélaga og ráðsmenn taka ekki við fyrirmælum um meðferð einstakra mála. Umdæmisráð eru skipuð þremur ráðsmönnum sem hafa ákveðna fagþekkingu, þ.e. félagsráðgjafa, sálfræðingi og lögfræðingi, og skulu þeir hafa í það minnsta þriggja ára starfsreynslu í barnavernd.
Skipan umdæmisráða felur í sér veigamikið nýmæli enda hefur löggjöf um sveitarstjórnarstigið fram til þessa ekki gert ráð fyrir spun sjálfstæðra stjórnsýslunefnda. Samkvæmt skýringum í greinargerð er litið svo á að starfsemi umdæmisráða fari fram á sama stjórnsýslustigi og önnur stjórnsýsla sveitarfélaga og að umdæmisráð teljist því ekki æðri stjórnvöld gagnvart sveitarfélögunum þ.m.t. barnaverndarþjónustunni. Í greinargerð segir jafnframt að ákvæði sveitarstjórnarlaga um nefndir, ráð og stjórnir, starfsmenn sveitarfélaga og samvinnu þeirra gildi ekki um starfsemi umdæmisráða. Um þau gildi aftur á móti almennar reglur um starfsemi fjölskipaðra stjórnvalda, þ.m.t. stjórnsýslulög.
Umdæmisráðin eru fjögur:
Umdæmisráð Reykjavíkur: Reykjavík
Umdæmisráð í Kraganum: Kópavogur, Garðabær, Hafnarfjörður, Mosfellsbær, Kjósarhreppur, Seltjarnarnes
Umdæmisráð Reykjaness og hluta af Suðurlandi: Reykjanesbær, Suðurnesjabær, Vogar, Grindavík, Árborg, Ásahreppur, Mýrdalshreppur, Rangárþing eystra, Rangárþing ytra, Skaftárhreppur
Umdæmisráð Landsbyggðarinnar: Öll önnur sveitarfélög
