Diplómanám í foreldrafærniþjálfun
Þann 22. nóvember 2021 fór af stað Diplómanám í foreldrafærniþjálfun. Diplómanámið er samstarfsverkefni Háskólans í Reykjavík og nýstofnaðar Barna- og Fjölskyldustofu. Að námi loknu uppfylla nemendur alþjóðleg viðmið um menntunarkröfur PMTO meðferðaraðila.
Um er að ræða hagnýtt nám sem miðar að því að gera nemendur færa um að veita fjölskyldum PMTO meðferð, hvort sem er einstaklingslega eða í hóp. Í samræmi við framkvæmdaráætlun í barnavernd er markmið námsins jafnframt að styrkja starfsfólk á landsvísu í störfum sínum með fjölskyldu og börnum
Nemendur koma víðs vegar af landinu og munu útskrifast úr náminu árið 2023. Það er okkur mikið tilhlökkunarefni að fá fleiri PMTO meðferðaraðila til starfa.