Vakin er athygli á námstefnu sem haldin verður í Iðnó 24. október nk. kl. 8:30 – 16:00 nk. undir yfirskriftinni „Foreldrar í vanda – börn í vanda“. Að námstefnuninni standa auk Barnaverndarstofu, FMB teymi Landspítala, Miðstöð foreldra og barna, Rannsóknastofnun í barna- og fjölskylduvernd, Embætti landlæknis og Geðvernd.

Barnaverndarstofa þakkar flytjendum á ráðstefnunni fyrir áhugaverð erindi og gestum fyrir góðar umræður. Smelltu hér til að skoða  glærur þeirra sem voru með erindi.

Barnaverndarstofa vekur athygli á Barnaverndarþingi, sem haldið verður 25. og 26. september á Hilton Reykjavík Nordica undir yfirskriftinni Réttur til verndar, virkni og velferðar. Þingið er fyrsta heildstæða íslenska ráðstefnan um barnavernd og munu tugir innlendra og erlendra fyrirlesara halda erindi á þinginu, sem rúmlega 200 manns munu sækja.

Þróun undanfarinna ára gefur vísbendingar um breytingar í barnaverndarmálum. 
Eru barnaverndarmál að verða alvarlegri?  Árið 2013 var metár í kynferðisbrotum gegn börnum.
Undanfarin ár hafa sífellt fleiri tilkynningar um börn leitt til könnunar barnaverndar og  barnaverndarmálum hefur fjölgað. Einnig hefur börnum í MST meðferð fjölgað en dregið úr stofnanavistun.