Þann 21. júní sl. við sumarsólstöður útskrifuðust þrír PMTO meðferðaraðilar í Hörpu. PMTO stendur fyrir Parent Management Training Oregon eða foreldrafærniþjálfun. Viðkomandi hófu nám haustið 2016 en tóku hlé á námi sínu og luku því núna. Tvær þeirra starfa hjá Velferðarsviði Reykjavíkurborgar og sú þriðja hefur starfað hjá Grindavíkurbæ. Er þeim öllum óskað heilla sem PMTO meðferðaraðilar.

Félagsmálaráðuneytið, Barnaverndarstofa og barnaverndarnefndir sveitarfélaga munu vinna samkvæmt áætluninni með meginmarkmið barnaverndarlaga að leiðarljósi; að tryggja viðunandi uppeldisskilyrði barna og að börn sem búa við óviðunandi aðstæður eða stofna heilsu sinni og þroska í hættu fái nauðsynlega og árangursríka aðstoð.

Barnaverndarstofa hefur í rúma tvo áratugi verið leiðandi í þjónustu við börn, þróun vandaðra vinnubragða og innleiðingu gagnreyndra aðferða. Stofnunin stendur á tímamótum vegna aukinna verkefna og eftirspurnar eftir þjónustu og leitar að öflugum sérfræðingum til starfa.

Guðrún Þorleifsdóttir hefur tekið við sem yfirlögfræðingur stofunnar en hún hefur starfað sem lögfræðingur hjá Barnaverndarstofu frá 2011. Jóhanna Lilja Birgisdóttir hefur verið ráðin í stöðu sérfræðings á meðferðar- og fóstursviði Barnaverndarstofu en hún hefur starfað sem sálfræðingur hjá Heilsugæslu Höfðuborgarsvæðisins síðan 2013

Áætlunin er umfangsmikil og er skipt niður í eftirfarandi átta stoðir:
A. Samstarf og heildarsýn í málefnum barna.
B. Breytingar á barnaverndarlögum.
C. Snemmtæk íhlutun og fyrirbyggjandi aðgerðir.
D. Stuðningur vegna barna á fósturheimilum.
E. Meðferð alvarlegs hegðunar- og vímuefnavanda.
F. Bætt verklag í barnavernd.
G. Kannanir, rannsóknir og gæðamat.
H. Eftirfylgni og innleiðing breytinga.

Samtök kvenna af erlendum uppruna í samvinnu við Barnaverndarstofu fengu úthlutað úr sjóðnum til að vinna að þróunarverkefni sem ber yfirskriftina: Tryggjum jöfn tækifæri með samstarfi

Í dag, fimmtudaginn 11. apríl, fer í loftið fyrsti þáttur hlaðvarps Barnaverndarstofu Við viljum vita og er stefnt að því að nýir þættir komi inn að lágmarki mánaðarlega. Þar verður talað við starfsfólk í barnavernd, ráðamenn málaflokksins og áhugaverða einstaklinga sem tengjast honum. Umsjónarmaður hlaðvarpsins er Páll Ólafsson og honum til aðstoðar er Martin Bruss Smedlund.　

Í fyrsta þættinum er rætt við Ásmund Einar Daðason, félags- og barnamálaráðherra, og þar fáum að vita hvað hann hefur að segja um sína sýn á barnavernd og þjónustu við börn.　

Í tilefni af 20 ára afmæli Barnahúss í fyrra fékk Barnaverndarstofa veglega gjöf frá félags- og barnamálaráðherra, dómsmálaráðherra og Lögreglunni á Norðurlandi eystra svo hægt væri að koma á fót útibúi fyrir Barnahús á Norðurlandi.　

Þann 27. nóvember 2018 hélt Barnaverndarstofa ráðstefnu á Grand Hótel Reykjavík í tilefni þess að 10 ár voru liðin frá því að fyrsta MST teymið tók til starfa hér landi. Fjallað var um áhrif og árangur MST í meðferð hegðunar- og vímuefnavanda í nærumhverfi.