Barnaverndarstofa og Háskólinn í Reykjavík ganga frá samning vegna Diplómanáms í PMTO foreldrafærniþjálfun

13 júl. 2021

Þann 13. júlí s.l. var staðfest með undirritun samnings að Barnaverndarstofa og Háskólinn í Reykjavík munu vinna saman að nýrri námslínu diplómanáms á meistarastigi. Námslínan heitir Diplómanám í foreldrafærniþjálfun og inniheldur PMTO meðferðarmenntun bæði fyrir einstaklinga og hópa. Námslínan er metin til 60 ECTS eininga. Stefnt er að því að námið verði 18-24 mánuðir með ákveðið mörgum lotum bæði staðbundnum og í gegnum fjarfundarbúnað og eftir það fylgir handleiðsla nemenda í ákveðinn tíma. Námið hefst í haust og skráning byrjar í ágúst inn á  heimasíðu HR og verður þar að finna allar upplýsingar um skólagjöld og námskrá.

Barnaverndarstofa og Háskólinn í Reykjavík hvetur starfsfólk sem vinnur með börnum og fjölskyldum að skoða þetta spennandi nám og láta aðra áhugasama vita af þessu spennandi tilboði.

Hér má sjá mynd frá undirritun samningsins þar sem Bryndís Björk Ásgeirsdóttir forseti sálfræðideildar HR og Heiða Björg Pálmadóttir forstjóri Barnaverndarstofu skrifa undir.

 

 


Nýjustu fréttir

19. okt. 2021 : Samanburður á fjölda tilkynninga fyrstu 9 mánuði 2019-2021

Tilkynningum vegna kynferðislegs ofbeldis fjölgar

Lesa meira

12. okt. 2021 : Náum áttum - morgunverðarfundur miðvikudaginn 13. október 2021 kl. 8:30-10:00 á Zoom

Náum áttum er samstarfshópur um fræðslu- og forvarnarmál eftirfarinna aðila: Barnaheill-Save the Children á Íslandi, Barnaverndastofa, Embætti landlæknis, Félag fagfólks í frístundaþjónustu, FRÆ Fræðsla og forvarnir, Heimili og skóli, IOGT á Íslandi, Lögreglan á höfuðborgarsvæðinu, Reykjavíkurborg, Samband íslenskra sveitarfélaga, Umboðsmaður barna, Vímulaus æska/Foreldrahús og Þjóðkirkjan.

 

Yfirskift fundarins er: Leiðir að félagsfærni og vellíðan barna í skólum og er fundurinn opinn öllum sem hafa áhuga. Nánari upplýsingar um fundinn má nálgast hér .

Skráning fer fram á naumattum.is

Hjólabrettastelpa

23. ágú. 2021 : Samanburður á fjölda tilkynninga fyrstu 6 mánuði 2019-2021

Tilkynningum vegna kynferðislegs ofbeldis fjölgar

Lesa meira

Þetta vefsvæði byggir á Eplica