Nýjar rannsóknarniðustöður sýna góða frammistöðu Íslendinga á sviði innleiðingar gagnreyndra meðferðarúrræða vegna aðlögunarvanda barna

Þetta kemur fram í grein í vísindatímaritinu ,,JOURNAL OF CLINICAL CHILD & ADOLECENT PSYCHOLOGY".

14 jún. 2018

Greinin, sem ber yfirheitið „Implementing an Evidence-Based Intervention for Children in Europe: Evaluating the Full-Transfer Approach“, fjallar um innleiðingu gagnreyndrar meðferðar (Parent Management Training – Oregon aðferð: PMTO) til að fást við aðlögunarvanda barna, einkum hegðunarerfiðleika, í þremur Evrópulöndum; Íslandi, Danmörku og Hollandi. Þrír höfundanna eru Íslendingar, þau Margrét Sigmarsdóttir, Edda Vikar Guðmundsdóttir og Örnólfur Thorlacius.

Talsverð vakning er meðal stjórnmálamanna, fagfólks og almennings um gildi markvissra aðgerða til að takast á við aðlögunarvanda barna. Rannsóknir hafa sýnt að mikilvægt er að nýta vel rannsakaðar og viðurkenndar aðferðir til verksins. Algengt er að aðferðir af þessum toga séu innleiddar með því að þjálfa fagaðila og í framhaldinu hefja meðferð en að viðhaldi til lengri tíma sé ábótavant og því lítill ávinningur af herferðinni þegar upp er staðið.
Í þessari grein kemur fram að í Evrópulöndunum þremur viðhelst og eykst notkun aðferðarinnar yfir lengri tíma, þjónustan er í háum gæðaflokki og í dag er aðferðin hluti af sérfræðiþjónustu þessara landa.
Öll löndin fylgja skipulögðu ferli varðandi handleiðslu, þjálfun og gæðaeftirlit en eru að öðru leyti sjálfstæð í sinni vinnu. Gagnreynda meðferðarúrræðið PMTO er þróað í Oregon í Bandaríkjunum þar sem alþjóðleg miðstöð úrræðissins er til staðar. Á Íslandi eru flestir meðferðaraðilar miðað við íbúafjölda og miðstöð aðferðarinnar er hjá Barnaverndarstofu.

Hér er hægt að finna umrædda grein

Hér er fréttin á heimasíðu PMTO á Íslandi


Nýjustu fréttir

Hjólabrettastelpa

24. nóv. 2022 : Barnavernd á Covidtímum - kynferðisofbeldi gegn börnum

Barna-og fjölskyldustofa fer af stað með röð málstofa undir yfirskriftinni “Barnavernd á Covidtímum”.

Lesa meira

10. nóv. 2022 : Morgunverðarfundur Náum áttum 16. nóvember n.k.

Börn sem beita ofbeldi

Lesa meira

17. okt. 2022 : Morgunverðarfundur Náum áttum 19. október 2022

Ungmenni og vímuefni - áhrifaþættir í uppeldi

Lesa meira
Hjólabrettastelpa

06. okt. 2022 : Barnavernd á Covid tímum - málstofa 7. október n.k.

Þann 7. október 2022 er fyrsti fundur af fjórum þar sem fjallað verður sérstaklega um líkamlegt og andlegt ofbeldi gegn börnum á Covidtímum. Einstaklingar frá Barna- og fjölskyldustofu, Barnahúsi, Barnavernd Reykjavíkur og Kvennaathvarfinu koma til okkar og halda stutt erindi.

Lesa meira

Þetta vefsvæði byggir á Eplica