Greining á tölulegum upplýsingum frá barnaverndarnefndum

1 sep. 2020

Barnaverndarstofa hefur greint tölur sem borist hafa frá barnaverndarnefndum vegna tilkynninga sem bárust í júní og júlí 2020 og borið þær saman við tölur í maí 2020 og tölur frá 1. janúar 2019 til og með 29. febrúar 2020

Helstu niðurstöður greiningarinnar eru eftirfarandi:

Tilkynningar í júní voru yfir meðaltali og 16,9% fleiri en bárust í júní 2019. Hins vegar voru tilkynningar í júlí undir meðaltali á samanburðartímabili en 0,6% fleiri en bárust í júlí 2019.

Fjöldi barna sem tilkynnt var um í júní er nokkuð yfir meðaltali og ekki hafa áður borist tilkynningar um jafn mörg börn í einum mánuði miðað við samanburðartímabil en er undir meðaltali í júlí.

Tilkynningar um ofbeldi voru yfir meðaltali tilkynninga tímabilinu janúar 2019 – febrúar 2020 fjóra mánuði í röð, en fækkaði í júli 2020.

Tilkynningar um vanrækslu hafa verið yfir meðaltali fimm mánuði í röð.

Heilt yfir hefur tilkynningum varðandi áhættuhegðun barns þannig fækkað á undanförnum mánuðum.

Tilkynningum um áhyggjur af ófæddu barni eru yfir meðaltali í bæði júní og júlí.

Tilkynningar frá leikskólum/dagforeldrum voru hærri en að meðaltali á samanburðartímabili. Í júní bárust fleiri tilkynningar frá leikskólum en áður hefur borist í einum mánuði á því tímabili sem hér er til samanburðar.

Almenningur er áfram duglegur að tilkynna. Tilkynningar frá nágrönnum voru í bæði júní og júlí yfrir meðaltali og fleiri áður bárust á samanburðartímabili. Þær eru þó færri en í mars – maí 2020. Fjöldi tilkynninga í júlí frá ættingjum var yfir meðaltali og ekki hafa áður borist fleiri tilkynningar frá ættingjum í einum mánuði miðað við samanburðartímabil. Fjöldi tilkynninga frá öðrum aðilum var í júní og júlí einnig yfir meðaltali.

Fjöldi tilkynninga í júní 2020 frá lögreglu var yfir meðaltali en undir meðaltali í júlí og var þá nálægt lægsta gildi á samanburðartímabilinu.

Hér má finna greininguna í heild sinni ásamt öllum tölum.

Hér má finna skjal með tölulegum upplýsingum 


Nýjustu fréttir

05 000 2020 : Greining á tölulegum upplýsingum síðustu níu mánaða

Barnaverndarstofa hefur tekið saman fjölda tilkynninga til barnaverndarnefnda skv. sískráningu fyrstu níu mánuði 2020 og borið saman við sama tímabil árin 2019 og 2018. Endanlegar upplýsingar um fjölda tilkynninga koma fram í samtölublöðum barnaverndarnefndanna sem birtast í sérstakri skýrslu sem gefin er út árlega. Einnig er að finna upplýsingar um fjölda umsókna um þjónustu til Barnaverndarstofu á fyrstu níu mánuðum áranna 2018, 2019 og 2020.

Lesa meira

21 000 2020 : Viðbrögð Barnaverndarstofu vegna Covid-19 veirunnar

Afgreiðsla í Borgartúni 21 verður lokuð en tekið er á móti pósti. Símsvörun í 530 2600 frá kl. 10 til 12 og 13 til 15. Alltaf hægt að senda netpóst á bvs@bvs.is

Lesa meira

07 000 2020 : Samanburður á tölum fyrstu sex mánuði 2018 – 2020

Barnaverndarstofa hefur tekið saman tölur vegna fyrstu 6 mánuði ársins og borið saman við tölur frá árinu 2018 og 2019

Lesa meira

28 000 2020 : Barnaverndarþingi 2020 frestað

Í ljósi þeirrar stöðu sem er uppi í samfélaginu vegna Covid19 faraldursins hefur Barnaverndarstofa ákveðið að fresta áætluðu Barnaverndarþingi um óákveðinn tíma.

Barnaverndarþingið hefur verið mikilvægur viðburður fyrir starfsfólk innan barnaverndarkerfisins sem og annarra sem vinna með börnum. Núverandi aðstæður bjóða ekki upp á þá nánd og samskipti sem einkenna þingið.


Þetta vefsvæði byggir á Eplica