Námskeið fyrir fósturforeldra
Barnaverndarstofa hefur frá árinu 2004 haldið Foster Pride námskeið fyrir fósturforeldra. Á næstu vikum lýkur 29. námskeiðinu þar sem tuttugu verðandi fósturforeldar fá undirbúning undir hlutverkið.
Barnaverndarstofa hefur frá árinu 2004 haldið Foster Pride námskeið fyrir fósturforeldra. Á næstu vikum lýkur 29. námskeiðinu þar sem tuttugu verðandi fósturforeldar fá undirbúning undir fósturforeldrahlutverkið. Alls hafa 474 þátttakendur lokið Foster Pride námskeiði á vegum Barnaverndarstofu. Námskeiðið felur m.a. í sér hæfnismat þar sem þátttakendur sjálfir og umsjónarmenn námskeiðs leggja sameiginlega mat á hæfni og möguleika viðkomandi til að taka barn i fóstur. Um er að ræða bandarískt kennsluefni í fósturmálum sem hefur verið innleitt á Norðurlöndum og víðar um Evrópu.
Nánari upplýsingar um innihald og fyrirkomulag Foster Pride er að finna á heimasíðu Barnaverndarstofu en hér eru einnig að finna upplýsingar varðandi umsókn um leyfi fósturforeldra og umsóknargögn. Námskeiðin hafa frá upphafi verið haldin tvisvar á ári og byrjað í febrúar og september ár hvert. Áform eru um að halda viðbótarnámskeið í apríl til júní vegna aukinnar eftirspurnar. Áhugasömum er bent á að hafa samband við Barnaverndarstofu í síma 530-2600. Einnig er hægt að senda tölvupóst á bvs@bvs.is til að fá frekari upplýsingar.
