Myndfundabúnaður - bætt þjónusta við barnaverndarnefndir

13 maí 2003

Barnaverndarstofa hefur skrifað undir samning við Grunn-Gagnalausnir ehf um kaup á myndfundabúnaði sem komið verður fyrir í fundarsal stofnunarinnar í Borgartúni 21. Búnaðurinn verður settur upp fljótlega og stefnt er að því að hann verði kominn í fulla notkun seinni hluta sumars.

Við væntum þess að búnaðurinn komi að góðum notum í samskiptum við barnaverndarnefndir og aðra samstarfsaðila okkar út um landið. Stefnt er að því að þegar Málstofur verða teknar upp aftur í haust verði þær sendar út með hjálp þessa búnaðar og að fræðslustarf stofunnar færist í framtíðinni að verulegu leyti í þennan sama farveg. Einnig mun hann vonandi gagnast okkur vel í erlendu samstarfi Barnavendarstofu sem er sífellt að aukast.

Nýjustu fréttir

09. ágú. 2022 : Störf laus til umsóknar

Barna- og fjölskyldustofa auglýsir eftir MST meðferðaraðilum og rekstrarstjóra á Stuðla

Lesa meira
Merki BOFS

13. júl. 2022 : Ráðning forstöðumanns í Barnahúsi

Margrét Kristín Magnúsdóttir hefur verið ráðin í stöðu forstöðumanns í Barnahúsi. 

Lesa meira

20. jún. 2022 : Barna- og fjölskyldustofa gerði samstarfssamning við Félagsráðgjafadeild Háskóla Íslands um ritun sögu barnaverndar hérlendis.

Barna- og fjölskyldustofa gerði samstarfssamning við Félagsráðgjafadeild Háskóla Íslands um ritun sögu barnaverndar hérlendis en þetta er tileinkað þeim tímamótum að liðin eru 90 ár frá setningu fyrstu barnaverndarlaga hér á landi og rúmlega 25 ár síðan Barnaverndarstofa nú Barna- og fjölskyldustofa var sett á laggirnar. Sigrún Harðardóttir skrifaði undir samninginn fyrir hönd Háskóla Íslands og Ólöf Ásta Farestveit fyrir hönd Barna- og fjölskyldustofu. Skipuð verður 6-8 manna ritnefnd. Áætlað er að fræðiritið komi út fyrri hluta ársins 2024. 


Þetta vefsvæði byggir á Eplica