Fimm ára afmæli Barnahúss fagnað

4 nóv. 2003

Barnahús hélt upp á fimm ára afmæli sitt þann 31. október sl. Af því tilefni var boðað til blaðamannafundar þar sem starfsemi Barnahúss var kynnt ásamt nýrri tölfræðiúttekt. Fréttamenn frá helstu fjölmiðlum mættu á blaðamannafundinn og hefur Barnahús fengið talsverða umfjöllun í fjölmiðlum síðustu daga.

Að blaðamannafundi loknum var samstarfsaðilum og velunnurum Barnahúss boðið upp á léttar veitingar. Meðal gesta mátti sjá félagsmálaráðherra, heilbrigðisráðherra og umboðsmann barna. Bragi Guðbrandsson forstjóri Barnaverndarstofu og Vigdís Erlendsdóttir forstöðumaður Barnahúss héldu stutt erindi og buðu gesti velkomna.

Árni Magnússon félagsmálaráðherra fór hlýjum orðum um Barnahús og sagði meðal annars ,,stofnun Barnahússins fyrir fimm árum markaði tímamót í meðferð kynferðisafbrotamála gegn börnum hér á landi. Með stofnun þess sköpuðust forsendur fyrir samræmdri málsmeðferð allra þeirra sem að rannsókn máls koma. Ævinlega með hagsmuni barnsins í fyrirrúmi. Fagmennska hefur aukist á þessu sviði og dýrmæt reynsla og þekking safnast saman á einum stað hér í Barnahúsi".

Ávarp félagsmálaráðherra má nálgast hér



Nýjustu fréttir

19. okt. 2021 : Samanburður á fjölda tilkynninga fyrstu 9 mánuði 2019-2021

Tilkynningum vegna kynferðislegs ofbeldis fjölgar

Lesa meira

12. okt. 2021 : Náum áttum - morgunverðarfundur miðvikudaginn 13. október 2021 kl. 8:30-10:00 á Zoom

Náum áttum er samstarfshópur um fræðslu- og forvarnarmál eftirfarinna aðila: Barnaheill-Save the Children á Íslandi, Barnaverndastofa, Embætti landlæknis, Félag fagfólks í frístundaþjónustu, FRÆ Fræðsla og forvarnir, Heimili og skóli, IOGT á Íslandi, Lögreglan á höfuðborgarsvæðinu, Reykjavíkurborg, Samband íslenskra sveitarfélaga, Umboðsmaður barna, Vímulaus æska/Foreldrahús og Þjóðkirkjan.

 

Yfirskift fundarins er: Leiðir að félagsfærni og vellíðan barna í skólum og er fundurinn opinn öllum sem hafa áhuga. Nánari upplýsingar um fundinn má nálgast hér .

Skráning fer fram á naumattum.is

Hjólabrettastelpa

23. ágú. 2021 : Samanburður á fjölda tilkynninga fyrstu 6 mánuði 2019-2021

Tilkynningum vegna kynferðislegs ofbeldis fjölgar

Lesa meira

Þetta vefsvæði byggir á Eplica