Tilraunaverkefni um skilgreiningar og flokkun barnaverndarmála.
Árið 2002 vann Freydís Freysteinsdóttir, lektor í félagsráðgjöf við HÍ, að ákveðnu kerfi til að freista þess að flokka betur barnaverndarmál. Freydís hefur kynnt þetta kerfi á nokkrum stöðum, m.a. á málstofu á Barnaverndarstofu. Þá vaknaði áhugi hjá all mörgum barnaverndarstarfsmönnum á að nýta kerfið í daglegri vinnu. Í framhaldi var tekin ákvörðun um að prófa kerfið hjá nokkrum barnaverndarnefndum til að sjá hvort og þá á hvern hátt kerfið léttir starfsmönnum vinnuna og jafnframt hvernig eða hvort það skýrir og gerir sýnilegri þær ástæður sem leiða til þess að þörf er aðstoðar barnaverndaryfirvalda.Mánudaginn 15. desember var haldinn fundur með þeim starfsmönnum sem munu taka þátt í verkefninu sem fer af stað 1. janúar 2004. Freydís kynnti kerfið sjálft og þær hugmyndir sem liggja að baki því og Anni G. Haugen talaði um framkvæmdina, sem mun verða í höndum Barnaverndarstofu. Nánari upplýsingar um markmið verkefnisins er að finna hér (PowerPoint-skjal).