Ný reglugerð nr. 366/2005 um vistun barna á vegum annarra en barnaverndarnefnda samkvæmt ákvæðum barnaverndarlaga (sumarbúðir o.fl.)

12 apr. 2005

Félagsmálaráðuneytið hefur sett nýja reglugerð nr. 366/2005 um vistun barna á vegum annarra en barnaverndarnefnda samkvæmt ákvæðum barnaverndarlaga (sumarbúðir o.fl.), að fengnum tillögum Barnaverndarstofu. Þessi reglugerð leysir af hólmi reglugerð nr. 562/2000 um einkaheimili sem taka börn til dvalar í atvinnuskyni í allt að sex mánuði og reglur nr. 401/1998 um heimili og stofnanir fyrir börn samkvæmt 1.–3. mgr. 51. gr. laga um vernd barna og ungmenna, nr. 58/1992, sbr. lög nr. 22/1995. Árið 2004 var sett reglugerð nr. 652/2004 um úrræði á ábyrgð sveitarfélaga á grundvelli barnaverndarlaga þar sem fjallað er þá aðila sem vista börn á vegum barnaverndarnefnda. Í nýju reglugerðinni er að finna ákvæði um skilyrði og framkvæmd leyfisveitinga til þeirra sem óska eftir að vista börn á eigin vegum, þ.e. fyrst og fremst með beinum samningum við foreldra. Hér getur verið um að ræða einstaklinga sem taka börn til dvalar á sumrin svo og þá sem óska eftir að reka t.d. reiðskóla, sumarbúðir, athvarf og svipaða starfsemi þar sem börn dvelja í skamman tíma. Í reglugerðinni er að finna skilgreiningar og ýmsar almennar kröfur til rekstraraðila. Þá er gerð grein fyrir því hvernig sótt er um leyfi og afgreiðslu leyfa. Í ákvæði til bráðabirgða er tekið fram að þau heimili sem hafa leyfi skv. eldri reglum megi starfa út gildistíma leyfisins. Hyggist heimili halda áfram starfsemi eftir að gildandi leyfi rennur út skal leggja fram umsókn í samræmi við ákvæði hinnar nýju reglugerðar.

Nýjustu fréttir

19. okt. 2021 : Samanburður á fjölda tilkynninga fyrstu 9 mánuði 2019-2021

Tilkynningum vegna kynferðislegs ofbeldis fjölgar

Lesa meira

12. okt. 2021 : Náum áttum - morgunverðarfundur miðvikudaginn 13. október 2021 kl. 8:30-10:00 á Zoom

Náum áttum er samstarfshópur um fræðslu- og forvarnarmál eftirfarinna aðila: Barnaheill-Save the Children á Íslandi, Barnaverndastofa, Embætti landlæknis, Félag fagfólks í frístundaþjónustu, FRÆ Fræðsla og forvarnir, Heimili og skóli, IOGT á Íslandi, Lögreglan á höfuðborgarsvæðinu, Reykjavíkurborg, Samband íslenskra sveitarfélaga, Umboðsmaður barna, Vímulaus æska/Foreldrahús og Þjóðkirkjan.

 

Yfirskift fundarins er: Leiðir að félagsfærni og vellíðan barna í skólum og er fundurinn opinn öllum sem hafa áhuga. Nánari upplýsingar um fundinn má nálgast hér .

Skráning fer fram á naumattum.is

Hjólabrettastelpa

23. ágú. 2021 : Samanburður á fjölda tilkynninga fyrstu 6 mánuði 2019-2021

Tilkynningum vegna kynferðislegs ofbeldis fjölgar

Lesa meira

Þetta vefsvæði byggir á Eplica