Nýjung í meðferð barna og unglinga - MST ráðstefna 12.maí nk.

20 apr. 2005

Barnaverndarstofa hefur um nokkurt skeið leitað leiða til að efla og auka á fjölbreytni meðferðarúrræða fyrir börn og unglinga sem eiga við hegðunarraskanir að stríða, sýna andfélagslega hegðun, afbrotahegðun og ástunda neyslu vímuefna. Á síðari árum hefur svonefnd MST meðferð rutt sé mjög braut í Bandaríkjunum og víðar með mjög góðum árangri. T.d. hafa Norðmenn innleitt þessa meðferðaraðferð á landsvísu undanfarin sjö ár en Svíar og Danir hafa nú fylgt í kjölfarið. Barnarverndarstofa kannar nú möguleika á að hrinda þessari meðferðarstefnu í framkvæmd hérlendis.

MST-Multisystemic Treatment eða fjölþáttameðferð er hnitmiðuð meðferð, sem beinist að gervöllu félagslegu umhverfi barns/unglings, fjölskyldu, vinahóp, skóla tómstundum o.s.frv. Aðferðin byggir á þekktum félagsmótunarkenningum og viðfangsefnið er að vinna gegn þeim áhættuþáttum sem valda og viðhalda óæskilegri hegðun. Meðferðin er valkostur við stofnanameðferð, ekki er um það að ræða að barn sé tekið af heimili heldur er þvert á móti talið mikilvægt að barn dvelji á eigin heimili á meðan íhlutun fer fram. Fjölskyldan hefur aðgang að meðferðaraðila allan sólarhringinn og alla daga vikunnar, ef því er til að skipta. Framkvæmdin byggir að verulegu leyti á samstarfi við skóla barnsins, en jafnframt er mikilvægt að aðrir aðilar svo sem heilsugæsla og lögregla styðji við framkvæmdina. Undanfarin ár hefur þessari fjölþáttameðferð verið beitt við margvíslegum vanda öðrum en meðferðinni var upphaflega ætlað að mæta, t.d. hegðunarerfiðleikum sem rekja má til geðraskana, uppeldisvenjum foreldra sem hafa vanrækt börn sín eða beitt þau harðræði osfrv.

Barnaverndarstofa efnir til ráðstefnu um MST meðferðina hinn 12. maí n.k. Aðalfyrirlesari er dr. Scott Henggeler, sem er forvígismaður MST kerfisins, en með honum koma nokkrir samverkamenn við Læknaháskólann í Suður Karólínufylki sem þróað hafa þessa meðferð, ásamt Terje Ogden prófessor við Oslóarháskóla, sem hefur haft með höndum árangursmat á innleiðingu MST í Noregi undanfarin ár. Á ráðstefnunni verður m.a. gerð grein fyrir fræðilegum grunni meðferðarinnar, framkvæmd hennar í Bandaríkjunum og Noregi og þeim árangri sem náðst hefur.

Þar sem MST meðferðin beinist að gervöllu umhverfi barnsins/unglingsins, leggur Barnaverndarstofa mikla áherslu á að leita eftir þátttöku skóla, heilsugæslu, lögreglu og annarra þeirra aðila sem koma að þeim vanda sem hér um ræðir. Dagskrá ráðstefnunnar má sjá hér að neðan en þar koma m.a. fram upplýsingar um skráningu, þátttökugjald ofl. Einnig eru ýmsar greinar um MST en einnig glærur úr fyrirlestrunum sem haldnir verða á ráðstefnunni.

Dagskrá

Fyrirlestrar:
Ávarp Braga Guðbrandssonar
Fyrirlestur - dr. Scott Henggeler
Fyrirlestur - dr.Terje Ogden
Fyrirlestur - Melisa D. Rowland
Fyrirlestur - dr. Cynthia Swenson
Fyrirlestur um MST

Greinar:
Decreasing Effect Sizes for Effectiveness Studies
Ecological Treatment for Parent to Child Violence
Evidence-Based Psychotherapies for Children and Adolescents
MST-Therapy with Youth Exhibiting Significant Psychiatric Impairment
MST-A Meta Analysis of Outcome Studies
MST treatment of Antisocial Adolescents in Norway

MST heimasíða
Eldri frétt um MST
MST í Noregi


Nýjustu fréttir

03. des. 2020 : Greining á tölulegum upplýsingum frá barnaverndarnefndum

Tilgangur greiningarinnar er að leggja mat á hvort og þá hvaða áhrif COVID-19 faraldurinn hefur haft á tilkynningar til barnaverndarnefnda. Sambærilegar greiningar hafa áður verið gerðar vegna mars til september 2020.

Lesa meira

05. nóv. 2020 : Greining á tölulegum upplýsingum síðustu níu mánaða

Barnaverndarstofa hefur tekið saman fjölda tilkynninga til barnaverndarnefnda skv. sískráningu fyrstu níu mánuði 2020 og borið saman við sama tímabil árin 2019 og 2018. Endanlegar upplýsingar um fjölda tilkynninga koma fram í samtölublöðum barnaverndarnefndanna sem birtast í sérstakri skýrslu sem gefin er út árlega. Einnig er að finna upplýsingar um fjölda umsókna um þjónustu til Barnaverndarstofu á fyrstu níu mánuðum áranna 2018, 2019 og 2020.

Lesa meira

21. sep. 2020 : Viðbrögð Barnaverndarstofu vegna Covid-19 veirunnar

Afgreiðsla í Borgartúni 21 verður lokuð en tekið er á móti pósti. Símsvörun í 530 2600 frá kl. 10 til 12 og 13 til 15. Alltaf hægt að senda netpóst á bvs@bvs.is

Lesa meira

07. sep. 2020 : Samanburður á tölum fyrstu sex mánuði 2018 – 2020

Barnaverndarstofa hefur tekið saman tölur vegna fyrstu 6 mánuði ársins og borið saman við tölur frá árinu 2018 og 2019

Lesa meira

01. sep. 2020 : Greining á tölulegum upplýsingum frá barnaverndarnefndum

Barnaverndarstofa hefur greint tölur sem borist hafa frá barnaverndarnefndum vegna tilkynninga sem bárust í júní og júlí 2020 og borið þær saman við tölur í maí 2020 og tölur frá 1. janúar 2019 til og með 29. febrúar 2020

Lesa meira