Barnahús opnar í Svíþjóð!

28 sep. 2005

Á morgun, föstudaginn 30. sept. verður fyrsta Barnahúsið í Svíþjóð opnað í Linköping með formlegri athöfn, að viðstaddri Silvíu drottningu. Svíar hafa sótt fyrirmyndina til Íslands og sýna okkur sérstaka viðurkenningu og heiður með því að bjóða Braga Guðbrandssyni forstjóra Barnaverndarstofu ásamt sendiherra Íslands í Stokkhólmi að vera viðstadda opnunarathöfnina. Þá er gert ráð fyrir því að forstjóri stofunnar haldi ræðu við athöfnina og taki þátti í fréttamannafundi af þessu tilefni, sbr. meðfylgjandi dagsskrá.

Svo sem kunnugt er hefur íslenska Barnahúsið vakið mikla athygli á erlendum vettvangi, einkum á Norðurlöndunum. Í Linköping hefur verið miðstöð Svía í rannsóknum og meðferð kynferðisbrota á börnum, sem nefnd er BUB-Elefanten. Sérfræðingar stöðvarinnar hafa lengi haft áhuga á að setja á laggirnar Barnahús að íslenskri fyrirmynd. Það er nú orðið að veruleika - einkum fyrir frumkvæði Silvíu drottningar.

Eins og kunnugt er komu sænsku konungshjónin í opinbera heimsókn haustið 2004 og heimsótti Silvía þá Barnahúsið. Óhætt er að segja að drottningin hafi hrifist af þeirri hugmyndafræði sem starfsemin grundvallast á því í kjölfarið beitti hún sér sérstaklega fyrir stofnun hússins í Svíþjóð. Silvía drottning er stofnandi World Childhood Foundation, sem hefur að markmiði að bæta réttindi og aðstæður barna í heiminum (sjá http://www.childhood.org/). Fékk hún því framgengt að veitt var sérstöku fjármagni úr sjóðnum til þess að Barnahús gæti orðið að raunveruleika í Svíþjóð sem fyrst.

Þess má geta að uppi eru áform um að setja á laggirnar fleiri Barnahús í Svíþjóð. Þá hefur norska dómsmálaráðuneytið sett á laggirnar vinnuhóp sem ætlað er að skoða það fyrirkomulag sem Barnahúsið byggir á við rannsókn og meðferð kynferðisbrota gegn börnum og hefur verið leitað liðsinnis Barnaverndarstofu í þeirri vinnu.

Boðskort

Dagskrá

Nýjustu fréttir

03. des. 2020 : Greining á tölulegum upplýsingum frá barnaverndarnefndum

Tilgangur greiningarinnar er að leggja mat á hvort og þá hvaða áhrif COVID-19 faraldurinn hefur haft á tilkynningar til barnaverndarnefnda. Sambærilegar greiningar hafa áður verið gerðar vegna mars til september 2020.

Lesa meira

05. nóv. 2020 : Greining á tölulegum upplýsingum síðustu níu mánaða

Barnaverndarstofa hefur tekið saman fjölda tilkynninga til barnaverndarnefnda skv. sískráningu fyrstu níu mánuði 2020 og borið saman við sama tímabil árin 2019 og 2018. Endanlegar upplýsingar um fjölda tilkynninga koma fram í samtölublöðum barnaverndarnefndanna sem birtast í sérstakri skýrslu sem gefin er út árlega. Einnig er að finna upplýsingar um fjölda umsókna um þjónustu til Barnaverndarstofu á fyrstu níu mánuðum áranna 2018, 2019 og 2020.

Lesa meira

21. sep. 2020 : Viðbrögð Barnaverndarstofu vegna Covid-19 veirunnar

Afgreiðsla í Borgartúni 21 verður lokuð en tekið er á móti pósti. Símsvörun í 530 2600 frá kl. 10 til 12 og 13 til 15. Alltaf hægt að senda netpóst á bvs@bvs.is

Lesa meira

07. sep. 2020 : Samanburður á tölum fyrstu sex mánuði 2018 – 2020

Barnaverndarstofa hefur tekið saman tölur vegna fyrstu 6 mánuði ársins og borið saman við tölur frá árinu 2018 og 2019

Lesa meira

01. sep. 2020 : Greining á tölulegum upplýsingum frá barnaverndarnefndum

Barnaverndarstofa hefur greint tölur sem borist hafa frá barnaverndarnefndum vegna tilkynninga sem bárust í júní og júlí 2020 og borið þær saman við tölur í maí 2020 og tölur frá 1. janúar 2019 til og með 29. febrúar 2020

Lesa meira

Þetta vefsvæði byggir á Eplica