Fjöldi tilkynninga árið 2005
Árið 2005 bárust barnaverndarnefndum landsins 5.879 tilkynningar en þær voru 5.555 árið 2004. Tilkynningum hefur því fjölgað um 5,8% milli ára. Alls bárust 73% tilkynninga til barnaverndarnefnda á höfuðborgarsvæðinu en 27% til nefnda á landsbyggðinni.Á árinu 2005 var tilkynnt um 5.679 börn en tilkynnt var um 4.021 barn árið 2004. Tilkynnt var því um 41,2% fleiri börn árið 2005 en árið 2004.
Neyðarlínan 1-1-2 tekur á móti barnaverndartilkynningum í umboði nefndanna. Alls bárust 221 tilkynning í gegnum neyðarlínuna árið 2005. Það er um 3,8% af öllum tilkynningum.
Ástæður tilkynninga skiptust þannig að 30,3% voru vegna vanrækslu, 15,8% vegna ofbeldis, 53,8% vegna áhættuhegðunar barna og 0,2% vegna þess að heilsu eða líf ófædds barns var í hættu. Alls var talið að 164 börn (2,9% allra barna sem tilkynnt var um) hefðu verið í yfirvofandi hættu.
Flestar tilkynningar komu frá lögreglu og voru 54,4% allra tilkynninga.
Hér má sjá skýrslu fyrir árið 2005
Hér má sjá frekari sundurliðun eftir mánuðum