Fjöldi tilkynninga til barnaverndarnefnda í janúar
Í janúar bárust barnaverndarnefndum landsins 585 tilkynningar varðandi 577 börn. Á sama tíma í fyrra bárust 519 tilkynningar og því hefur tilkynningum í janúar fjölgað um tæp 13% milli ára.69% tilkynninganna (405) komu frá höfuðborgarsvæði en 31% frá landsbyggðinni (180). Af þessum 585 tilkynningum bárust 39 tilkynningar í gegnum neyðarlínuna 1-1-2.
Ástæður tilkynninga skiptust þannig að 28,5% voru vegna vanrækslu, 16,1% vegna ofbeldis, 55,4% vegna áhættuhegðunar barna og 0% vegna þess að heilsu eða líf ófædds barns var í hættu.
Flestar tilkynningar komu frá lögreglu og voru 61% allra tilkynninga. Um 7,5% tilkynninga bárust frá foreldrum en aðeins í 0,3% tilvika leitaði barnið sjálft til barnaverndarnefndar.
Hér má sjá nánari sundurliðun á tilkynningum í janúar
