Yfirlit yfir stöðu mála á fyrsta ársfjórðungi 2007
Barnaverndarstofu bárust 47 umsóknir um meðferð fyrstu þrjá mánuði ársins 2007. Á sama tíma í fyrra höfðu borist 51 umsókn. Barnaverndarstofu barst auk þess 31 umsókn um fóstur og voru flestar um tímabundið fóstur eða 84% allra umsókna. Auk þess bárust Barnaverndarstofu 17 umsóknir þeirra sem óskuðu eftir því að gerast fósturforeldrar. Flestar umsóknir komu frá Reykjavík og nágrenni. Eitt barn fór í fóstur á vegum Martinswerk.Í Barnahúsi fór fram 61 rannsóknarviðtal á fyrsta ársfjórðungi, þar af 14 skýrslutökur eða 23% allra rannsóknarviðtala. Greiningar- og meðferðarviðtöl voru 37. Sjö læknisskoðanir fóru fram í Barnahúsi á þessum tíma.
Á fyrsta ársfjórðungi 2007 bárust alls 2.227 tilkynningar um 1.802 börn. Ef fjöldi tilkynninga er borinn saman við fyrstu þrjá mánuðina í fyrra kemur í ljós að þeim hefur fjölgað um tæp 29% milli ára og fjöldi barna um tæp 9%. Alls voru 42% tilkynningar kannaðar frekar á tímabilinu, þ.e. mál 762 barna.
Hér má sjá skýrslu um stöðu mála á fyrsta ársfjórðungi.
Hér má sjá frekari skiptingu á stöðu mála skipt eftir barnaverndarnefndum.