Rannsóknarsetur í barna- og fjölskylduvernd

21 sep. 2007

Aðalfundur Rannsóknaseturs í barna- og fjölskylduvernd (RBF) var haldinn 20. september sl. Rannsóknarsetrið var stofnað 12. maí 2006 og er forstöðumaður Jóhanna Rósa Arnardóttir. Rannsóknarsetrið heyrir undir félagsráðgjafarskor Háskóla Íslands og hefur aðsetur hjá Félagsvísindastofnun Háskóla Íslands að Aragötu 9.

Rannsóknasetrinu er ætlað að vera víðtækur vettvangur rannsókna á sviði félagsráðgjafar, einkum öllu því er lýtur að stefnumörkun, þróun og þjónustu í barna- og fjölskylduvernd sem spannar allt lífsskeiðið frá æsku til efri ára. Markmið setursins er jafnframt að miðla vísindalegri þekkingu um félagsráðgjöf og laða fræðimenn til starfa á þessu sviði.

Samstarfs- og styrktaraðilar eru Barnaverndarstofa, Biskupsstofa, Efling – stéttarfélag, félagsmálaráðuneytið, heilbrigðis- og tryggingamálaráðuneytið, Reykjanesbær, umboðsmaður barna og Velferðarsvið Reykjavíkurborgar.

Rannsóknarsetrið tekur þátt í fjölda rannsókna og stendur að ritröð um rannsóknir í félagsráðgjöf auk þess að gefa út bók Sigrúnar Júlíusdóttur og Halldórs S. Guðmundssonar: „Heilbrigði og Heildarsýn: Félagsráðgjöf í heilbrigðisþjónustu“ sem kom út í lok desember 2006. Rannsóknarsetrið stóð fyrir tveimur ráðstefnum á árinu í samstarfi við fleiri aðila. Þá stendur rannsóknarsetrið ásamt félagsráðgjafarskor Háskóla Íslands að málstofum sem eru að jafnaði haldnar einu sinni í mánuði frá september til apríl.

Nánari upplýsingar um rannsóknarsetrið er að finna hér á heimasíðu Rannsóknarsetursins

Nýjustu fréttir

03. des. 2020 : Greining á tölulegum upplýsingum frá barnaverndarnefndum

Tilgangur greiningarinnar er að leggja mat á hvort og þá hvaða áhrif COVID-19 faraldurinn hefur haft á tilkynningar til barnaverndarnefnda. Sambærilegar greiningar hafa áður verið gerðar vegna mars til september 2020.

Lesa meira

05. nóv. 2020 : Greining á tölulegum upplýsingum síðustu níu mánaða

Barnaverndarstofa hefur tekið saman fjölda tilkynninga til barnaverndarnefnda skv. sískráningu fyrstu níu mánuði 2020 og borið saman við sama tímabil árin 2019 og 2018. Endanlegar upplýsingar um fjölda tilkynninga koma fram í samtölublöðum barnaverndarnefndanna sem birtast í sérstakri skýrslu sem gefin er út árlega. Einnig er að finna upplýsingar um fjölda umsókna um þjónustu til Barnaverndarstofu á fyrstu níu mánuðum áranna 2018, 2019 og 2020.

Lesa meira

21. sep. 2020 : Viðbrögð Barnaverndarstofu vegna Covid-19 veirunnar

Afgreiðsla í Borgartúni 21 verður lokuð en tekið er á móti pósti. Símsvörun í 530 2600 frá kl. 10 til 12 og 13 til 15. Alltaf hægt að senda netpóst á bvs@bvs.is

Lesa meira

07. sep. 2020 : Samanburður á tölum fyrstu sex mánuði 2018 – 2020

Barnaverndarstofa hefur tekið saman tölur vegna fyrstu 6 mánuði ársins og borið saman við tölur frá árinu 2018 og 2019

Lesa meira

01. sep. 2020 : Greining á tölulegum upplýsingum frá barnaverndarnefndum

Barnaverndarstofa hefur greint tölur sem borist hafa frá barnaverndarnefndum vegna tilkynninga sem bárust í júní og júlí 2020 og borið þær saman við tölur í maí 2020 og tölur frá 1. janúar 2019 til og með 29. febrúar 2020

Lesa meira

Þetta vefsvæði byggir á Eplica