Ráðstefna Adferdssentret í Noregi

10 des. 2007

Þrír starfsmanna Barnaverndarstofu sóttu í októbermánuði ráðstefnu Adferdssentret í Noregi sem haldin er árlega. Adferdssentret er samstarf Háskólans í Osló og stjórnvalda og fæst við að rannsaka málefni barna sem lenda í vanda og hvaða aðferðir geta komið að gagni við að aðstoða þau börn. Meira en 40 rannsakendur, flestir með félagsvísindi sem faggrein, starfa hjá stofnuninni að staðaldri. Ráðstefnuna sækja gjarnan sérfræðingar víðsvegar að úr Noregi, félagsvísindamenn, starfsmenn stofnana og félags- og barnaverndaryfirvalda o.s.frv.

Að þessu sinni var efni ráðstefnunnar félagsleg færni barna. Fengist var við að skilgreina eðli hugtaksins og greint frá rannsóknum og kenningum. Tveir fyrirlesara voru Bandaríkjamenn. Aðal áhersla var lögð á að sér grein fyrir því hvernig sum börn sem alin eru upp við afar erfiðar, jafnvel varhugaverðar uppeldisaðstæður, ná þrátt fyrir það að tileinka sér og sýna mikla félagslega færni. Með öðrum orðum hvað kann að ráða því að sum börn þróa með sér ríkulega félagsfærni á meðan annarra í svipaðri stöðu bíður það hlutskipti að eiga í miklum vanda allt sitt líf.

Af einstaka kynningum fjallaði ein um 8 ára reynslu Norðmanna af MST aðferðinni sem stendur til boða um gervallan Noreg. Heildarniðurstaða þeirra rannsókna sem gerðar hafa verið reglulega benda ótvírætt til umtalsverðs og varanlegs árangurs. Í Noregi hefur vissulega komið fram ýmis gagnrýni á nýjar aðferðir sem byggja á því sem nefnt er á ensku “evidence based” aðferð eða sú sem byggir á þekkingargrunni. MST aðferðin er ein þeirra. Í því felst að hluti aðferðarinnar og eitt einkenna hennar er árangursmæling. Upplýsingar um þann árangur sem mælist virðist ekki styðja þá gagnrýni sem komið hefur fram á aðferðirnar enda beinist hún m.a. að kostnaði en ekki efasemdum um skort á árangri.

Nú eru gerðar tilraunir til að þróa fjölskyldumeðferð (nefnt Functional Family Therapy) sem sækir fyrirmynd sína að sumu leyti til hefðbundins fjölskyldumeðferðarforms en nýtir einnig nýjungar sem sóttar eru til hinnar nýju hugsunar um að byggja á að safna upplýsingum (árangursmat) jafn óðum (evidence-based). Á ráðstefnunni var kynnt tilraun sem stendur yfir í tveimur sveitarfélögum í Noregi um þessa fjölskyldumeðferð. Þá hefur þetta form fjölskyldumeðferðar verið stundað í Amsterdam og kynnandi var hollenskur.

Á ráðstefnunni var greint frá starfi einnar þeirra stofnana sem reistar hafa verið (5 talsins) í Noregi þar sem starfið byggir á þeirri vitneskju sem safnað hefur verið frá öllum þeim rannsóknum sem gerðar hafa verið í heiminum að undanförnu um stofnanir fyrir börn og gæði þeirra. Við uppbyggingu umræddra stofnana hefur þessi þekking verið lögð til grundvallar í skipulagningu, undirbúningi og framkvæmd. Þegar hefur fengist mikilvæg reynsla og þekking á þessari tilraun sem mun halda áfram. Barnaverndarstofa mun gera sér far um að fylgjast með því sem fram fer í þessum efnum í því skyni að bæta starf hérlendra meðferðarstofnana.

Eins og gefur að skilja var fjölmargt annað efni á ráðstefnunni sem snerti yfirskrift hennar um félagslega færni. Má þar nefna árangur að PMT (Parent Management Training) eða foreldrafærniþjálfunar, áhrif hinna nýju árangursmælingaraðferða á hefðbundnari aðferðir í félagsþjónustu og barnavernd. Og svo mætti telja.

Sjá nánar á vef Adferdssentret hér.



Nýjustu fréttir

03. des. 2020 : Greining á tölulegum upplýsingum frá barnaverndarnefndum

Tilgangur greiningarinnar er að leggja mat á hvort og þá hvaða áhrif COVID-19 faraldurinn hefur haft á tilkynningar til barnaverndarnefnda. Sambærilegar greiningar hafa áður verið gerðar vegna mars til september 2020.

Lesa meira

05. nóv. 2020 : Greining á tölulegum upplýsingum síðustu níu mánaða

Barnaverndarstofa hefur tekið saman fjölda tilkynninga til barnaverndarnefnda skv. sískráningu fyrstu níu mánuði 2020 og borið saman við sama tímabil árin 2019 og 2018. Endanlegar upplýsingar um fjölda tilkynninga koma fram í samtölublöðum barnaverndarnefndanna sem birtast í sérstakri skýrslu sem gefin er út árlega. Einnig er að finna upplýsingar um fjölda umsókna um þjónustu til Barnaverndarstofu á fyrstu níu mánuðum áranna 2018, 2019 og 2020.

Lesa meira

21. sep. 2020 : Viðbrögð Barnaverndarstofu vegna Covid-19 veirunnar

Afgreiðsla í Borgartúni 21 verður lokuð en tekið er á móti pósti. Símsvörun í 530 2600 frá kl. 10 til 12 og 13 til 15. Alltaf hægt að senda netpóst á bvs@bvs.is

Lesa meira

07. sep. 2020 : Samanburður á tölum fyrstu sex mánuði 2018 – 2020

Barnaverndarstofa hefur tekið saman tölur vegna fyrstu 6 mánuði ársins og borið saman við tölur frá árinu 2018 og 2019

Lesa meira

01. sep. 2020 : Greining á tölulegum upplýsingum frá barnaverndarnefndum

Barnaverndarstofa hefur greint tölur sem borist hafa frá barnaverndarnefndum vegna tilkynninga sem bárust í júní og júlí 2020 og borið þær saman við tölur í maí 2020 og tölur frá 1. janúar 2019 til og með 29. febrúar 2020

Lesa meira

Þetta vefsvæði byggir á Eplica