Fræðsludagur um MST
og Anne Cathrine Strütt MST-handleiðari
Fjölkerfameðferð (Multisystemic Therapie, MST) er beitt víða um heim sem aðferð til að takast á við alvarlegan hegðunarvanda unglinga á aldrinum 12-18 ára. Markmiðin eru að auka styrkleika og bjargráð fjölskyldunnar, að unglingurinn geti búið heima, stundi skóla eða vinnu, beiti ekki ofbeldi, komist ekki í kast við lögin og sé ekki í vímuefnaneyslu. MST er upphaflega þróað og rannsakað í Bandaríkjunum og hefur á sl. 15 árum náð útbreiðslu þar, sem og í 10 öðrum löndum, þ.m.t. Noregi, Danmörku og Svíþjóð. Norðmenn hafa rúmlega 8 ára reynslu af notkun MST og starfrækja um 25 meðferðarteymi víðsvegar um landið.
Fjölkerfameðferð mun standa til boða á Íslandi frá og með næsta hausti, fyrst í stað á suðvesturhorninu. Aðgangur að fræðsludeginum 2. júní er ókeypis og eru allir áhugasamir og einkum þeir sem koma að starfi með unglingum í vanda (t.d. í skólum, meðferðar- eða tómstundastarfi) hvattir til að mæta. Bernadette Christensen og Anne Cathrine Strütt eru báðar sálfræðingar og hafa víðtæka reynslu af samstarfi við ýmsa faghópa. Fræðsludagurinn fer fram á íslensku og ensku. Vinsamlega tilkynnið þátttöku fyrir 30. maí til ingibjorg@bvs.is
Hér má sjá dagskrá fræðsludagsins