Skaðabótaábyrgð barna
Lagadeild Háskóla Íslands og umboðsmaður barna efna til málstofu um Skaðabótaábyrgð barna þann 17. apríl nk. kl. 12.15 í stofu 101 Lögbergi, Háskóla Íslands.Tilefni fundarins er sú umræða sem hefur verið í samfélaginu síðustu misseri um skaðabótaábyrgð barna. Fjallað verður almennt um skaðabótaábyrgð barna, auk þess sem fjallað verður um nýfallinn dóm Hæstaréttar frá 26. mars sl., í máli nr. 263/2008. Þá verður einnig fjallað um tryggingaúrræði í tengslum við börn.
Framsögumenn eru Ingunn Agnes Kro, héraðsdómslögmaður hjá Landslögum - lögfræðistofu og aðjúnkt við lagadeild Háskóla Íslands og Kjartan Vilhjálmsson, framkvæmdastjóri tjónaþjónustu TM.
Fundarstjóri er Margrét María Sigurðardóttir, umboðsmaður barna.
Málstofan er samstarfsverkefni milli lagadeildar Háskóla Íslands og umboðsmanns barna og eru allir velkomnir.
