Minnum á ráðstefnu Blátt áfram dagana 19-20 maí 2009

15 maí 2009

Ráðstefna Blátt áfram um forvarnir gegn kynferðislegu ofbeldi gagnvart börum verður haldin í Háskólanum í Reykjavík dagana 19-20 maí 2009. Markmið ráðstefnunnar er að skoða þær leiðir sem færar eru til að fyrirbyggja kynferðislegt ofbeldi gagnvart börnum. Meðal fyrirlesara eru David Burton sem fjallar um rannsóknir og samanburð á meðferðarúrræðum fyrir unga gerendur. Hann mun einnig kynna helstu meðferðarúrræði fyrir þolendur ofbeldis. Þá mun Linn Getz vera með erindi um áföll í æsku en rannsóknir gefa til kynna að rekja megi orsakir sjúkdóma á fullorðinsárum og ótímabærs dauða til áfalla í æsku. Britt Fredenman mun kynna verkefni sem ætlað er að hjálpa unglingstúlkum sem misnota vímuefni, margar stúlknanna hafa orðið fyrir ofbeldi og tengir hún misnotkun vímuefna til þess. Einnig verður kynning á nokkrum úrræðum og verkefnum á þessu sviði hér á landi, þ.e. Barnahúsi, fræðsluefni á vegum Þroskahjálpar, SAFT, Stígamótum, Sólstöfum Vestfjarða og Blátt áfram.

Fyrirlestrar verða á ensku og íslensku, sjá dagskrá.

Skráning er á www.blattafram.is

Nýjustu fréttir

09. ágú. 2022 : Störf laus til umsóknar

Barna- og fjölskyldustofa auglýsir eftir MST meðferðaraðilum og rekstrarstjóra á Stuðla

Lesa meira
Merki BOFS

13. júl. 2022 : Ráðning forstöðumanns í Barnahúsi

Margrét Kristín Magnúsdóttir hefur verið ráðin í stöðu forstöðumanns í Barnahúsi. 

Lesa meira

20. jún. 2022 : Barna- og fjölskyldustofa gerði samstarfssamning við Félagsráðgjafadeild Háskóla Íslands um ritun sögu barnaverndar hérlendis.

Barna- og fjölskyldustofa gerði samstarfssamning við Félagsráðgjafadeild Háskóla Íslands um ritun sögu barnaverndar hérlendis en þetta er tileinkað þeim tímamótum að liðin eru 90 ár frá setningu fyrstu barnaverndarlaga hér á landi og rúmlega 25 ár síðan Barnaverndarstofa nú Barna- og fjölskyldustofa var sett á laggirnar. Sigrún Harðardóttir skrifaði undir samninginn fyrir hönd Háskóla Íslands og Ólöf Ásta Farestveit fyrir hönd Barna- og fjölskyldustofu. Skipuð verður 6-8 manna ritnefnd. Áætlað er að fræðiritið komi út fyrri hluta ársins 2024. 


Þetta vefsvæði byggir á Eplica