Stuðningur í nærsamfélagi – það sem barni er fyrir bestu

26 nóv. 2009

Þann 25. nóvember sl. stóð samstarfshópurinn NÁUM-ÁTTUM fyrir morgunverðarfundi undir yfirskriftinni „Stuðningur barns í nærsamfélaginu – það sem barni er fyrir bestu“ en Barnaverndarstofa er aðili að samstarfshópnum. Framsöguerindi fluttu Sæunn Kjartansdóttir sálgreinir, Margrét Júlía Rafnsdóttir verkefnastjóri, Guðrún Helga Sederholm, fræðslu- og skólafélagsráðgjafi auk fulltrúa frá ungmennaráði Barnaheilla.

Í erindi sínu fjallaði Sæunn m.a. um að samkvæmt rannsóknum skipti mestu máli hversu fær móðir (eða sá sem annast barnið) er að lesa í tjáningu barnsins og bregðast við þeim. Börn fæðast með óþroskaðan heila sem mótast af umhverfinu og hefur það bein áhrif á vöxt heilans þegar barninu er sinnt af manneskju sem gleðst yfir tilveru þess. Börn hætta að leita eftir viðbrögðum móður (eða þeim sem annast þau) ef þau fá engin viðbrögð. Benti hún einnig á að góð tengin fólks við tilfinningar sínar er besta forvörnin og hafi foreldrar ekki góða reynslu af samskiptum við eigin foreldra þarf að hjálpa þeim að takast á við tilfinningar sínar. Sæunn er höfundur bókarinnar „Árin sem engin man – áhrif frumbernskunnar á börn og fullorðna“ sem kom út árið 2009.

Margrét Júlía fjallaði um hlutverk kennara í skólaumhverfi sem byggir á einstaklingsbundnu námi og þeim fjölþættu verkefnum sem því fylgir. Guðrún Helga kom inn á mikilvægi þess að börnin hafi aðila í skólanum sem þau geta leitað til því þjónusta í nærumhverfi skipti mestu máli. Í nýlegri rannsókn sem Guðrún Helga vann fyrir félags- og tryggingamálaráðuneytið þar sem rætt var við skólastjóra tíu skóla víðs vegar af landinu kom fram að sérþekkingu á sviði persónulegrar ráðgjafar skorti inn í skólana og að tryggja þurfi þjónustu við nemendur þegar kemur að slíkri ráðgjöf. Rannsóknin er aðgengileg á vefsíðu ráðuneytisins.

Yfirskrift fundarins var með tilvísun í Barnasáttmála Sameinuðu þjóðana en Barnasáttmálinn er 20 ára um þessar mundir. Fulltrúi ungmennaráðs Barnaheilla lagði áhersu á að allir eiga rétt á námi við hæfi og að skólaumhverfið þurfi að vera réttlátt og lýðræðislegt. Sagði hún talsvert skorta á um það og að nauðsynlegt sé að þjálfa kennara í að vinna með þetta. Benti hún einnig á að börn væru ekki spurð þegar teknar eru ákvarðanir um þau, hvort sem er við stefnumótun eða í daglegu lífi þeirra.

Nýjustu fréttir

03. des. 2020 : Greining á tölulegum upplýsingum frá barnaverndarnefndum

Tilgangur greiningarinnar er að leggja mat á hvort og þá hvaða áhrif COVID-19 faraldurinn hefur haft á tilkynningar til barnaverndarnefnda. Sambærilegar greiningar hafa áður verið gerðar vegna mars til september 2020.

Lesa meira

05. nóv. 2020 : Greining á tölulegum upplýsingum síðustu níu mánaða

Barnaverndarstofa hefur tekið saman fjölda tilkynninga til barnaverndarnefnda skv. sískráningu fyrstu níu mánuði 2020 og borið saman við sama tímabil árin 2019 og 2018. Endanlegar upplýsingar um fjölda tilkynninga koma fram í samtölublöðum barnaverndarnefndanna sem birtast í sérstakri skýrslu sem gefin er út árlega. Einnig er að finna upplýsingar um fjölda umsókna um þjónustu til Barnaverndarstofu á fyrstu níu mánuðum áranna 2018, 2019 og 2020.

Lesa meira

21. sep. 2020 : Viðbrögð Barnaverndarstofu vegna Covid-19 veirunnar

Afgreiðsla í Borgartúni 21 verður lokuð en tekið er á móti pósti. Símsvörun í 530 2600 frá kl. 10 til 12 og 13 til 15. Alltaf hægt að senda netpóst á bvs@bvs.is

Lesa meira

07. sep. 2020 : Samanburður á tölum fyrstu sex mánuði 2018 – 2020

Barnaverndarstofa hefur tekið saman tölur vegna fyrstu 6 mánuði ársins og borið saman við tölur frá árinu 2018 og 2019

Lesa meira

01. sep. 2020 : Greining á tölulegum upplýsingum frá barnaverndarnefndum

Barnaverndarstofa hefur greint tölur sem borist hafa frá barnaverndarnefndum vegna tilkynninga sem bárust í júní og júlí 2020 og borið þær saman við tölur í maí 2020 og tölur frá 1. janúar 2019 til og með 29. febrúar 2020

Lesa meira

Þetta vefsvæði byggir á Eplica