Aðgerðir vegna heimilisofbeldis

14 feb. 2011

Börn sem búa við þær aðstæður að ofbeldi er þáttur í heimilislífi þeirra ganga í gegnum röð áfalla sem geta haft margvíslegar afleiðingar. Þrátt fyrir að rannsóknir sýni fram á langtíma afleiðingar heimilisofbeldis fyrir börn þá virðast barnaverndaryfirvöld sem og aðrir ekki gefa þeim börnum sem búa við þær aðstæður nægjanlegan gaum. Niðurstöður nýlegrar breskrar rannsóknar sýna fram á þetta og er athyglisvert að í 40% tilvika höfðu barnaverndaryfirvöld ekki haft afskipti af umræddum fjölskyldum og í 26% tilvika voru takmörkuð afskipti. Þá virtist íhlutun vera tilviljunarkennd og skorti samfellu í vinnslu mála, sjá nánar skýrslu um rannsóknina.

Barnaverndarstofa hefur skoðað verklag lögreglu og barnaverndar hér á landi og virðist það með svipuðum hætti og í Bretlandi, þ.e. tilkynningar berast barnaverndaryfirvöldum en lítið er um aðgerðir. Þá kemur fram í skýrslu um heimilisofbeldi sem unnin var á vegum lögreglunnar að formleg íhlutun lögreglu felst oftast í því að aðstoða þolanda á slysadeild (13%), á Kvennaathvarf (3%) eða barnaverndarnefnd kölluð á vettvang (1%) sjá nánar á vef lögreglunnar. Í könnun Freydísar J. Freysteinsdóttur frá árinu 2004 á tilkynningum um heimilisofbeldi var einungis veitt þjónusta í þriðjungi mála og í einungis þremur tilvikum beindist slíkur stuðningur beint að barninu.

Í ljósi fyrirliggjandi upplýsinga mun Barnaverndarstofa leita eftir samstarfi við lögreglu og barnaverndarnefndir á höfuðborgarsvæðinu um tilraunaverkefni til eins árs. Markmið stofunnar með slíku tilraunarverkefni er fyrst og fremst að leggja mat á líðan, hugsanir og óskir barnanna með það fyrir augum að veita þeim áfallahjálp og annan viðeigandi stuðning strax í kjölfar atburða af þessu tagi. Felst verkefnið í því að ráða sérhæfða starfsmenn á bakvakt sem hafa það hlutverk að fara á heimili í þeim tilvikum sem lögregla fer í útköll vegna heimisofbeldis og börn eru á staðnum. Verkefni starfsmanns á bakvakt verður að huga að barninu sérstaklega og tryggja því stuðning innan 48 tíma.

Talið er að árlega verði 1100 konur, hér á landi, fyrir ofbeldi af hendi maka eða fyrrverandi maka. Samtök um Kvennaathvarf voru stofnuð árið 1982 en markmið samtakanna er að reka athvarf fyrir konur og börn þeirra, veita ráðgjöf og upplýsingar auk þess að efla fræðslu og umræðu um kynbundið ofbeldi sjá nánar hér. Frá árinu 1998 hefur körlum sem vilja losna úr viðjum ofbeldisbeitingar boðist aðstoð sjá nánar hér. Börnum, sem búa við þær aðstæður að ofbeldi hefur verið þáttur í heimilislífi þeirra, hefur verið boðið upp á hópmeðferð á vegum Barnaverndarstofu frá árinu 2010.

Velferðarráðuneytið hefur staðið fyrir viðamikilli upplýsingaöflun um ofbeldi karla gegn konum en ráðist var í gerð sex rannsókna og kannana á umfangi ofbeldis, ýmsum þáttum sem tengjast því hvernig tekið er á slíkum málum og hvaða úrræði eru fyrir hendi. Rúm 22% kvenna sem svöruðu símakönnun sögðust hafa verið beittar ofbeldi í nánu sambandi einhvern tíma frá 16 ára aldri. Um 17% þessara tilvika komu til lögreglu og í 75% tilvika bjuggu börn á heimilinu við síðasta ofbeldisatvik. Skýrslur vegna þessara rannsókna má nálgast á vef ráðuneytisins.

Nýjustu fréttir

03. des. 2020 : Greining á tölulegum upplýsingum frá barnaverndarnefndum

Tilgangur greiningarinnar er að leggja mat á hvort og þá hvaða áhrif COVID-19 faraldurinn hefur haft á tilkynningar til barnaverndarnefnda. Sambærilegar greiningar hafa áður verið gerðar vegna mars til september 2020.

Lesa meira

05. nóv. 2020 : Greining á tölulegum upplýsingum síðustu níu mánaða

Barnaverndarstofa hefur tekið saman fjölda tilkynninga til barnaverndarnefnda skv. sískráningu fyrstu níu mánuði 2020 og borið saman við sama tímabil árin 2019 og 2018. Endanlegar upplýsingar um fjölda tilkynninga koma fram í samtölublöðum barnaverndarnefndanna sem birtast í sérstakri skýrslu sem gefin er út árlega. Einnig er að finna upplýsingar um fjölda umsókna um þjónustu til Barnaverndarstofu á fyrstu níu mánuðum áranna 2018, 2019 og 2020.

Lesa meira

21. sep. 2020 : Viðbrögð Barnaverndarstofu vegna Covid-19 veirunnar

Afgreiðsla í Borgartúni 21 verður lokuð en tekið er á móti pósti. Símsvörun í 530 2600 frá kl. 10 til 12 og 13 til 15. Alltaf hægt að senda netpóst á bvs@bvs.is

Lesa meira

07. sep. 2020 : Samanburður á tölum fyrstu sex mánuði 2018 – 2020

Barnaverndarstofa hefur tekið saman tölur vegna fyrstu 6 mánuði ársins og borið saman við tölur frá árinu 2018 og 2019

Lesa meira

01. sep. 2020 : Greining á tölulegum upplýsingum frá barnaverndarnefndum

Barnaverndarstofa hefur greint tölur sem borist hafa frá barnaverndarnefndum vegna tilkynninga sem bárust í júní og júlí 2020 og borið þær saman við tölur í maí 2020 og tölur frá 1. janúar 2019 til og með 29. febrúar 2020

Lesa meira

Þetta vefsvæði byggir á Eplica