Starfsdagur barnaverndarstarfsmanna
Fagdeild félagsráðgjafa í barnavernd efnir til starfsdags barnaverndarstarfsmanna í samstarfi við barnavernd Hafnarfjarðar þann 11. mars nk. frá kl. 9.00 til 15.00 í Íþróttahúsi Hauka við Haukatorg í Hafnarfirði. Yfirskrift starfsdagsins verður: Barnavernd-seinfærra foreldra, hvernig tryggjum við hagsmuni barnanna.Fyrirlesarar eru: Ástríður Stefánsdóttir læknir, Freydís Jóna Freysteinsdóttir félagsmálastjóri, Hanna Björg Sigurjónsdóttir lektor við HÍ og Heiða Björg Pálmadóttir lögfræðingur á Barnaverndarstofu. Nánari upplýsingar í dagskrá.
Starfsmenn barnaverndarnefnda eru hvattir til að mæta en skráning er hjá Maríu Gunnarsdóttur á netfangið maria.gunnarsdottir@reykjanesbaer.is
Fagdeildin stóð síðast fyrir starfsdegi í samstarfi við Barnavernd Reykjavíkur í október 2009, þar sem fjallað var um líkamlegt ofbeldi gagnvart börnum og samvinnu við lögreglu varðandi vinnslu þeirra mála. Að loknum starfsdeginum var skipaður vinnuhópur sem hafði það hlutverk að útfæra verklagsreglur í því skyni að stuðla að markvissari vinnubrögðum og faglegri nálgun í málum þar sem grunur er um líkamlegt ofbeldi gagnvart börnum.
