Þjónusta fyrir börn sem búa við heimilisofbeldi

17 okt. 2011

Barnaverndarstofa hefur hrundið af stað tilraunaverkefni í samstarfi við barnaverndarnefndir og lögreglu á Höfuðborgarsvæðinu þar sem veitt er þjónusta í málum barna og unglinga er orðið hafa vitni að ofbeldi milli foreldra. Þrátt fyrir að rannsóknir sýni fram á langtíma afleiðingar heimilisofbeldis fyrir börn þá virðast barnaverndaryfirvöld sem og aðrir ekki gefa þeim börnum sem búa við þær aðstæður nægjanlegan gaum. Markmið stofunnar með slíku tilraunaverkefni er fyrst og fremst að leggja mat á líðan, hugsanir og óskir barnanna með það fyrir augum að veita þeim áfallahjálp og annan viðeigandi stuðnig strax í kjölfar atburða af þessu tagi. Gerður hefur verið samningur við reyndann félagsráðgjafa og starfar hann samkvæmt umboði barnaverndarnefnda á höfuðborgarsvæðinu.

Um er að ræða tilraunaverkefni í sex mánuði frá 15. september 2011 til 15. mars 2012 og felst þjónustan í:

a) að bregðast við tilkynningum frá lögreglu eða barnavernd utan skrifstofutíma vegna heimilisofbeldis eða ágreinings á milli foreldra í þeim tilvikum sem lögreglan á höfuðborgarsvæðinu fer í útkall og barn/börn eru á staðnum

b) að ræða við börnin með það að leiðarljósi að kanna líðan þeirra, upplifun og viðhorf til þeirrar atburðarrásar sem leiddi til lögregluafskipta

c) að leggja mat á þörf barnanna fyrir áfallahjálp í kjölfar lögregluafskiptanna og veita þeim meðferðarviðtal eins fljótt og við verður komið

d) að gera áætlun um meðferðarþörf og kynna hana viðkomandi barnaverndarnefnd og eftir atvikum forsjáraðila barnanna

e) að annast viðtalsmeðferð í samræmi við meðferðaráætlun í allt að 5 skipti að jafnaði

d) að skila stuttri greinargerð um hvert barn sem þjónustan tekur til og kynna hana viðkomandi barnaverndarnefnd og eftir atvikum forsjáraðilum barnsins

Nýjustu fréttir

19. okt. 2021 : Samanburður á fjölda tilkynninga fyrstu 9 mánuði 2019-2021

Tilkynningum vegna kynferðislegs ofbeldis fjölgar

Lesa meira

12. okt. 2021 : Náum áttum - morgunverðarfundur miðvikudaginn 13. október 2021 kl. 8:30-10:00 á Zoom

Náum áttum er samstarfshópur um fræðslu- og forvarnarmál eftirfarinna aðila: Barnaheill-Save the Children á Íslandi, Barnaverndastofa, Embætti landlæknis, Félag fagfólks í frístundaþjónustu, FRÆ Fræðsla og forvarnir, Heimili og skóli, IOGT á Íslandi, Lögreglan á höfuðborgarsvæðinu, Reykjavíkurborg, Samband íslenskra sveitarfélaga, Umboðsmaður barna, Vímulaus æska/Foreldrahús og Þjóðkirkjan.

 

Yfirskift fundarins er: Leiðir að félagsfærni og vellíðan barna í skólum og er fundurinn opinn öllum sem hafa áhuga. Nánari upplýsingar um fundinn má nálgast hér .

Skráning fer fram á naumattum.is

Hjólabrettastelpa

23. ágú. 2021 : Samanburður á fjölda tilkynninga fyrstu 6 mánuði 2019-2021

Tilkynningum vegna kynferðislegs ofbeldis fjölgar

Lesa meira

Þetta vefsvæði byggir á Eplica