Könnun á þjónustu Barnahúss

1 nóv. 2011

Barnahús var tekið í notkun þann 1. nóvember 1998 og fagnar því 13 ára starfsafmæli í dag. Á þessu tímabili hafa um 2.600 börn notið þjónustu Barnahúss. Eins og kunnugt er hefur Barnahúsið íslenska orðið fyrirmynd annarra þjóða en alls eru starfandi 30 barnahús á Norðurlöndunum.

Rannsóknir í Evrópu benda til að allt að eitt af hverjum fimm börnum sæti kynferðislegri áreitni og ofbeldi á bernskuárum og hleypti Evrópuráðið af stokkunum átaki gegn kynferðisofbeldi á börnum. Í nóvember 2010 samþykkti ráðherraráð Evróðuráðsins Leiðbeinandi reglur um barnvænlegt réttarkerfi. Reglurnar marka viss þáttaskil því aldrei fyrr hafa réttindi barna gagnvart réttarvörslukerfi verið úrfærð hvorki á alþjóðavettvangi eða í einstökum þjóðríkjum svo vitað sé. Með hinum leiðbeinandi reglum um barnvænlegt réttarkerfi er hugmyndafræði Barnahúss fest enn frekar í sessi.

Við uppsetningu Barnahúss var sérstaklega hugað að upplifun barna sem þurfa að takast á við þá reynslu að fara í skýrslutöku og/eða meðferð vegna þess að þau hafa orðið fyrir kynferðisofbeldi. Lögð er áhersla á að gera umhverfi Barnahúss sem barnvænast og á það bæði við um innri og ytri þætti starfseminnar. Til dæmis er Barnahús staðsett í rólegu íbúðarhverfi og húsgögn valin sérstaklega með börn í huga. Hvað varðar innri þætti hafa allir sérfræðingar Barnahúss fengið sérhæfða þjálfun í viðtalstækni.

Barnaverndarstofa hefur lengi áformað að hrinda í framkvæmd óháðu árangursmati af þjónustu Barnahúss. Á árinu 2010 fól stofan Rannsóknastofnun í barna- og fjölskylduvernd (RBF) að hrinda í framkvæmd úttekt á þjónustu Barnahúss en hana önnuðust sálfræðingarnir Anna Kristín Newton og Elín Hjaltadóttir. Slík rannsókn hefur ekki áður verið gerð en markmið hennar var að kanna hvernig notendur Barnahúss upplifa gæði þjónustunnar, m.a. í samanburði við þau börn sem koma til skýrslutöku hjá héraðsdómstólum. Skýrsla um könnunina er væntanleg en hún tekur til þjónustu Barnahúss á árunum 2007-2009. Niðurstöðurnar eru um margt ánægjulegar og má þar helst nefna að 92% þeirra sem nutu þjónustu Barnahúss kveðjast myndu mæla með Barnahúsi fyrir þá sem eru í sömu sporum og þeir voru í áður.

Nýjustu fréttir

27. apr. 2021 : Aðgerðir stjórnvalda gegn stafrænu ofbeldi gegn börnum

Miðvikudaginn 28. apríl n.k. verður haldinn fundur þar sem farið verður yfir aðgerðir stjórnvalda til að vinna gegn kynferðislegu / stafrænu ofbeldi gegn börnum hér á landi. Aðgerðirnar fela m.a. í sér aldursmiðaða fræðslu og forvarnir, þjálfun starfsmanna innan réttargæslukerfisins, endurskoðun á verklagi og úrbætur í upplýsingamiðlun. 

Hér má nálgast tengil á viðburðinn sem verður á facebook.

https://www.facebook.com/events/476350143687436/

Lesa meira

25. mar. 2021 : Viðbrögð Barnaverndarstofu vegna sóttvarnaraðgerða. Afgreiðslu Barnaverndarstofu í Borgartúni 21 verður lokað frá og með 25 mars til 15 apríl. Símsvörun í 530 2600 verður frá kl: 09 – 12 og 13 - 15. Áfram er hægt að senda póst á bvs@bvs.is.

Afgreiðslu Barnaverndarstofu í Borgartúni 21 verður lokað frá og með deginum í dag til 15 apríl. Símsvörun í 530 2600 verður frá kl: 09 – 12 og 13 - 15. Áfram verður hægt að ná í einstaka starfsmenn með tölvupósti og ávallt er hægt að senda póst á bvs@bvs.is Ráðgjöf mun að mestu fara fram í gegnum síma, netpóst og fjarfundarbúnað. Áfram verða símatímar fyrir almenning þriðjudaga og fimmtudaga kl 11 - 12. 

Lesa meira

05. mar. 2021 : Barnaverndarstofa biður konur afsökunar sem voru vistaðar á Laugalandi (áður Varpholt)

Hópur kvenna, sem vistaður var á meðferðarheimilinu á Laugalandi (áður Varpholt), steig nýverið fram og lýsti slæmri reynslu sinni af heimilinu undir stjórn fyrri rekstraraðila á árunum 1997 – 2007. Barnaverndarstofa biður þær konur, sem vistaðar voru á heimilinu, afsökunar á að ekki hafi verið brugðist betur við þeim upplýsingum sem stofunni bárust varðandi starfsemi heimilisins.

Lesa meira
Hjólabrettastelpa

11. feb. 2021 : 112-dagurinn – öryggi og velferð barna og ungmenna

Vitundarvakning um öryggi og velferð barna og ungmenna
112-dagurinn er haldinn um allt land í dag og er sjónum að þessu sinni beint að öryggi og velferð barna og ungmenna, enda fjölgaði tilkynningum til barnaverndarnefnda gríðarlega á síðasta ári.

Lesa meira

05. feb. 2021 : Greining á tölulegum upplýsingum fyrir árið 2020

Barnaverndarstofa hefur tekið saman fjölda tilkynninga til barnaverndarnefnda skv. sískráningu fyrir allt árið 2020 og borið saman við tölur frá árunum 2019 og 2018. Endanlegar upplýsingar um fjölda tilkynninga koma fram í samtölublöðum barnaverndarnefndanna sem birtast í sérstakri skýrslu sem gefin er út árlega. Einnig er að finna upplýsingar um fjölda umsókna um þjónustu til Barnaverndarstofu árin 2018, 2019 og 2020.

Lesa meira

Þetta vefsvæði byggir á Eplica