Stuðningur við seinfæra foreldra

31 maí 2012

Barnaverndarstofa stendur fyrir námskeiði dagana 30 og 31 maí í fundarsal BHM að Borgartúni 6 í samstarfi við fagdeild félagsráðgjafa í barnavernd og rannsóknarsetur í fötlunarfræðum. Námskeiðið er ætlað fagfólki sem starfar í barnavernd og félagsþjónustu á vegum sveitarfélaga og ríkis og miðar að því að styrkja það í starfi með seinfærum foreldrum og börnum þeirra. Markmiðið er að kenna leiðir til að efla foreldra í hlutverki sínu, fyrirbyggja vanrækslu barna, stuðla að heilbrigði og öryggi barna og mæta líkamlegum og tilfiningalegum þörfum þeirra. Sérstök áhersla er lögð á styrkleikamiðað mat, íhlutun og gátlista sem eru notaðir til að kanna færni foreldra, meta árangur, sjá hvar eru framfarir og hvaða þætti þarf að styrkja. Um er að ræða gagnreyndar aðferðirnar en rannsóknir hafa sýnt að beiting þeirra stuðlar að velferð og öryggi barna seinfærra foreldra, dregur úr forsjársviptingum og styrkir fagfólk í starfi sínu.

Námskeiðið er byggt upp með fyrirlestrum, umræðum og verkefnum. Leiðbeinandi er dr. Maurice Feldman prófessor í sálfræði en hann hefur þróað stuðningsaðferðir, gátlista og styrkleikamiðaðar matsaðferðir fyrir fagfólk á þessu sviði. Hann er leiðandi fræðimaður á alþjóðavettvangi, sjá nánar hér. Hanna Björg Sigurjónsdóttir lektor við fötlunarfræði í Háskóla Íslands skipulagði námskeiðið og leiðbeinir ásamt dr. Feldman.

Fagdeild félagsráðgjafa í barnavernd hefur beint sjónum sínum að þessu efni en á starfsdegi barnaverndarstarfsmanna 11. mars 2011 var fjallað um "Barnavernd-seinfærra foreldra, hvernig tryggjum við hagsmuni barnanna". Í kjölfarið var skipaður vinnuhópur sem hafði það hlutverk að koma með tillögur að bættu verklagi varðandi vinnu með seinfærum foreldrum í barnavernd.

Dr. Feldman hefur áður komið til Íslands en hann var með málstofu hjá Barnaverndarstofu 31. maí 2011 þar sem hann kynnti aðferðir sínar.

Nýjustu fréttir

27. apr. 2021 : Aðgerðir stjórnvalda gegn stafrænu ofbeldi gegn börnum

Miðvikudaginn 28. apríl n.k. verður haldinn fundur þar sem farið verður yfir aðgerðir stjórnvalda til að vinna gegn kynferðislegu / stafrænu ofbeldi gegn börnum hér á landi. Aðgerðirnar fela m.a. í sér aldursmiðaða fræðslu og forvarnir, þjálfun starfsmanna innan réttargæslukerfisins, endurskoðun á verklagi og úrbætur í upplýsingamiðlun. 

Hér má nálgast tengil á viðburðinn sem verður á facebook.

https://www.facebook.com/events/476350143687436/

Lesa meira

25. mar. 2021 : Viðbrögð Barnaverndarstofu vegna sóttvarnaraðgerða. Afgreiðslu Barnaverndarstofu í Borgartúni 21 verður lokað frá og með 25 mars til 15 apríl. Símsvörun í 530 2600 verður frá kl: 09 – 12 og 13 - 15. Áfram er hægt að senda póst á bvs@bvs.is.

Afgreiðslu Barnaverndarstofu í Borgartúni 21 verður lokað frá og með deginum í dag til 15 apríl. Símsvörun í 530 2600 verður frá kl: 09 – 12 og 13 - 15. Áfram verður hægt að ná í einstaka starfsmenn með tölvupósti og ávallt er hægt að senda póst á bvs@bvs.is Ráðgjöf mun að mestu fara fram í gegnum síma, netpóst og fjarfundarbúnað. Áfram verða símatímar fyrir almenning þriðjudaga og fimmtudaga kl 11 - 12. 

Lesa meira

05. mar. 2021 : Barnaverndarstofa biður konur afsökunar sem voru vistaðar á Laugalandi (áður Varpholt)

Hópur kvenna, sem vistaður var á meðferðarheimilinu á Laugalandi (áður Varpholt), steig nýverið fram og lýsti slæmri reynslu sinni af heimilinu undir stjórn fyrri rekstraraðila á árunum 1997 – 2007. Barnaverndarstofa biður þær konur, sem vistaðar voru á heimilinu, afsökunar á að ekki hafi verið brugðist betur við þeim upplýsingum sem stofunni bárust varðandi starfsemi heimilisins.

Lesa meira
Hjólabrettastelpa

11. feb. 2021 : 112-dagurinn – öryggi og velferð barna og ungmenna

Vitundarvakning um öryggi og velferð barna og ungmenna
112-dagurinn er haldinn um allt land í dag og er sjónum að þessu sinni beint að öryggi og velferð barna og ungmenna, enda fjölgaði tilkynningum til barnaverndarnefnda gríðarlega á síðasta ári.

Lesa meira

05. feb. 2021 : Greining á tölulegum upplýsingum fyrir árið 2020

Barnaverndarstofa hefur tekið saman fjölda tilkynninga til barnaverndarnefnda skv. sískráningu fyrir allt árið 2020 og borið saman við tölur frá árunum 2019 og 2018. Endanlegar upplýsingar um fjölda tilkynninga koma fram í samtölublöðum barnaverndarnefndanna sem birtast í sérstakri skýrslu sem gefin er út árlega. Einnig er að finna upplýsingar um fjölda umsókna um þjónustu til Barnaverndarstofu árin 2018, 2019 og 2020.

Lesa meira

Þetta vefsvæði byggir á Eplica