Sumarhátíðir - Sýnum ábyrgð!
Consectetur adipiscing elit
Miðvikudaginn 23. maí nk heldur Náum áttum - samstarfshópur um fræðslu- og forvarnir síðasta fund vetrarins á Grand hótel kl. 08.15 - 10.00. Fjallað verður um sumarhátíðir á Íslandi, framkvæmd þeirra og ábyrgðina sem fylgir hátíðarhaldi eins og þjóðhátíð, bæjarhátíð, útihátíð eða hestamóti. Farið verður yfir atriði eins og markmið þeirra, regluverk og viðbúnað sveitarfélags og annarra mótshaldara.
Að loknum erindum eru pallborðsumræður og í pallinn bætast þá Stefán Eiríksson lögreglustjóri höfuðborgarsvæðisins, Ómar Bragi Stefánsson frá UMFÍ, Sveinbjörn Kristjánsson frá SAMAN hópnum og fulltrúi 100 karla hópsins sem vakti m.a. athygli á nauðgunarmálum frá síðasta sumri. Fundurinn er öllum opinn en þátttökugjaldið, 1500 krónur, er með morgunverði sem hefst kl. 08.15. Skráning er fyrir kl. 15:00 þriðjudaginn 22. maí áhttp://naumattum.is/page/skraning
Fundarstjóri verður Sölvi Tryggvason, fjölmiðlamaður.