Árangur af stuðningsúrræðum fyrir börn, unglinga og foreldra þeirra
Málþing Ís-Forsa í samstarfi við Barnaverndarstofu og Rannsóknastofnun í barna- og fjölskylduvernd
Árlegt málþing Ís-Forsa er haldið í samstarfi við Barnaverndarstofu og Rannsóknastofnun í barna- og fjölskylduvernd. Málþingið verður 14. maí 2013 kl. 14.00-16.00 í Háskóla Íslands, Odda, stofu 101.
Dagskrá málþingsins má sjá hér.
Málþingið er opið öllum
Félagar í Ís-Forsa eru hvattir til að koma með veggspjöld um rannsóknir og þróunarverkefni sín.
Aðgangseyrir er 2.500 kr. greiðist við inngang eða reikningur sendur á stofnanir.
Nemendur í fullu námi greiða ekki aðgangseyri, aðrir nemendur greiða kr. 1.000.
Skráning er á netfangið rbf@hi.is.
Á málþinginu mun Margrét Sigmarsdóttir sálfræðingur, verkefnisstjóri PMT-FORELDRAFÆRNI fjalla um árangur af innleiðingu PMT-FORELDRAFÆRNI á Íslandi. Zulima Gabríela Sigurðardóttir sálfræðingur, dósent við Sálfræðideild Háskóla Íslands segir frá árangri af heildstæðum stuðningi við jákvæða hegðun í grunnskólum í Reykjanesbæ. Þá mun Halldór Hauksson sálfræðingur, sviðsstjóri meðferðar- og fóstursviðs Barnaverndarstofu fjalla um niðurstöður rannsóknar um afdrif barna sem dvöldu á meðferðarheimilum Barnaverndarstofu tímabilið 2002-2007 og ræða um árangur meðferðarstarfs á vegum Barnaverndarstofu. Í lok málþingsins verður pallborðsumræða þar sem fyrirlesarar svara fyrirspurnum og ræða efni málþingsins.