Hvernig á að bregðast við óviðeigandi kynhegðun barna og unglinga?

David Prescott, klínískur félagsráðgjafi (LICSW), hélt fyrirlestur á Barnaverndarstofu fyrir starfsmenn barnaverndarnefnda föstudaginn 30. ágúst.

16 sep. 2013

David Prescott, klínískur félagsráðgjafi (LICSW), hélt fyrirlestur á Barnaverndarstofu fyrir starfsmenn barnaverndarnefnda föstudaginn 30. ágúst. Prescott hefur áratuga reynslu í meðferð unglinga og fjölskyldna, sérstaklega þeirra unglinga sem sýna óviðeigandi kynhegðun og beita aðra kynferðislegu ofbeldi. Hann starfar nú sem forstöðumaður fag- og gæðaþróunar hjá Becket Family of Services í New England fylki í Bandaríkjunum.David Prescott, klínískur félagsráðgjafi (LICSW), hélt fyrirlestur á Barnaverndarstofu fyrir starfsmenn barnaverndarnefnda föstudaginn 30. ágúst. Prescott hefur áratuga reynslu í meðferð unglinga og fjölskyldna, sérstaklega þeirra unglinga sem sýna óviðeigandi kynhegðun og beita aðra kynferðislegu ofbeldi. Hann starfar nú sem forstöðumaður fag- og gæðaþróunar hjá Becket Family of Services í New England fylki í Bandaríkjunum.
Í fyrirlestrinum fjallaði Prescott um hversu meðferðarþörf unglinga er frábrugðin þörfum fullorðinna. Mikilvægt sé að meta og greina vanda hvers barns og veita meðferð þar sem stutt er við barnið í nærumhverfi með þátttöku foreldra og fjölskyldu. Prescott vísaði í niðurstöður rannsókna og aðferðir áhugahvetjandi samtals (motivational interviewing) um að verkefni meðferðaraðilans sé að leiðbeina og vekja áhuga og von barnsins til að breyta hegðun sinni til framtíðar. Barnið þurfi að upplifa góða samvinnu við meðferðaraðilann og jákvæðar breytingar sem séu frá því sjálfu komnar, og geti því þurft stuðning yfir lengri tíma.

Bein kennsla, fyrirmæli og stuðandi („konfronterandi“) aðferðir í meðferð séu líklegar til að vekja mótstöðu sem dragi úr líkum á árangri, sérstaklega til lengri tíma litið þó skjólstæðingur kunni að sýna tímabundna „hlýðni“ við kröfum umhverfisins. Meðferðin þurfi að vera leiðbeinandi og taka mið af þroskaþörfum barnsins til að gera sig gilt í samfélaginu, ná tengslum við aðra og að upplifa sjálfstæði. Þrátt fyrir ógeðfelldan verknað sem kann að varða við refsingu samkvæmt lögum, skipti jákvæð afstaða og áhugi meðferðaraðilans (og annara sem koma að málefnum barnsins) sköpum í meðferðarárangri.

Prescott fjallaði um að afstaða og viðmót meðferðaraðilans þurfi að einkennast af virðingu, hlýju, samhyggð og stuðningi. Rannsóknir leiða í ljós að refsingar skili ekki árangri í meðferð barna og unglinga og Prescott varaði við því að einangra fólk úr samfélaginu sem brýtur á öðrum kynferðislega. Slíkt gæti aukið á hættu á endurtekinni hegðun. Rannsóknir sýni að flestir unglingar sem brjóta á öðrum kynferðislega endurtaki ekki slíka hegðun og líkurnar á endurtekinni hegðun séu enn minni ef veitt er viðeigandi meðferð. Sjá glærur frá fyrirlestri 29. ágúst og bókarkafla „Meaningful Engagement of Adolescent in Change“.

David Prescott var staddur hér á landi á vegum fagdeildar um  réttarsálfræði og hélt vinnustofu 29. ágúst um áhugahvetjandi samtal (motivational interviewing) í vinnu með unglingum. Þess má geta að frá árinu 2009 hefur á vegum Barnaverndarstofu verið starfrækt sérhæft meðferðarteymi sálfræðinga sem veita börnum og unglingum sem sýna óviðeigandi kynhegðun meðferð af þeirri tegund sem Prescott fjallar um. Hann hefur birt fjölda fræðigreina, skrifað bækur og bókarkafla auk þess sem hann hefur haldið fræðsluerindi víða um heim. Auk birtra greina um hvetjandi samtöl hefur hann skrifað um mat og meðferð unglinga og fullorðinna sem hafa misnotað aðra kynferðislega. Nýjustu skrif hans eru á sviði áhugahvetjandi samtala (http://www.becket.org).

Nýjar bækur eftir David Prescott:

Awakening Motivation for Difficult Changes, (2013) í samvinnu við Robin J. Wilson. Verður fáanleg í sumar, útgefandi er NEARI Press.

Enhancing Motivation in Treatment: A Case Study and Professional Development Planning Method, (2013). Útgefandi NEARI Press.

Nánari upplýsingar um David Prescott má finna á http://www.davidprescott.net/


Nýjustu fréttir

03. des. 2020 : Greining á tölulegum upplýsingum frá barnaverndarnefndum

Tilgangur greiningarinnar er að leggja mat á hvort og þá hvaða áhrif COVID-19 faraldurinn hefur haft á tilkynningar til barnaverndarnefnda. Sambærilegar greiningar hafa áður verið gerðar vegna mars til september 2020.

Lesa meira

05. nóv. 2020 : Greining á tölulegum upplýsingum síðustu níu mánaða

Barnaverndarstofa hefur tekið saman fjölda tilkynninga til barnaverndarnefnda skv. sískráningu fyrstu níu mánuði 2020 og borið saman við sama tímabil árin 2019 og 2018. Endanlegar upplýsingar um fjölda tilkynninga koma fram í samtölublöðum barnaverndarnefndanna sem birtast í sérstakri skýrslu sem gefin er út árlega. Einnig er að finna upplýsingar um fjölda umsókna um þjónustu til Barnaverndarstofu á fyrstu níu mánuðum áranna 2018, 2019 og 2020.

Lesa meira

21. sep. 2020 : Viðbrögð Barnaverndarstofu vegna Covid-19 veirunnar

Afgreiðsla í Borgartúni 21 verður lokuð en tekið er á móti pósti. Símsvörun í 530 2600 frá kl. 10 til 12 og 13 til 15. Alltaf hægt að senda netpóst á bvs@bvs.is

Lesa meira

07. sep. 2020 : Samanburður á tölum fyrstu sex mánuði 2018 – 2020

Barnaverndarstofa hefur tekið saman tölur vegna fyrstu 6 mánuði ársins og borið saman við tölur frá árinu 2018 og 2019

Lesa meira

01. sep. 2020 : Greining á tölulegum upplýsingum frá barnaverndarnefndum

Barnaverndarstofa hefur greint tölur sem borist hafa frá barnaverndarnefndum vegna tilkynninga sem bárust í júní og júlí 2020 og borið þær saman við tölur í maí 2020 og tölur frá 1. janúar 2019 til og með 29. febrúar 2020

Lesa meira

Þetta vefsvæði byggir á Eplica