Samhæfð þjónusta við börn með alvarlegar þroska- og geðraskanir
Félags- og húsnæðismálaráðherra kynnir tillögur um úrræði fyrir börn með alvarlegar þroska- og geðraskanir.
Nefnd á vegum velferðarráðuneytisins hefur skilað félags- og húsnæðismálaráðherra tillögum um úrræði fyrir börn sem stríða við alvarlegar þroska- og geðraskanir. Hér má nálgast skýrslu nefndarinnar en í nefndinni áttu sæti fulltrúar Greiningar- og ráðgjafarstöðvarinnar, Barna- og unglingageðdeildar (BUGL), Geðdeildar Landspítala, Barnaverndarstofu, Sambands íslenskra sveitarfélaga og velferðarráðuneytis. Helstu niðurstöður nefndarinnar eru að fella þjónustu við hlutaðeigandi börn undir þjónustukerfi fatlaðra. Tillögur nefndarinnar lúta að búsetu, samhæfðri þjónustu, snemmtækri íhlutun, fjármálum og stofnun ráðgefandi teymis. Eygló Harðardóttir félags- og húsnæðismálaráðherra kynnti tillögurnar á fundi ríkisstjórnar 19. nóvember sl. Sjá nánar frétt ráðuneytisins.