Tilkynningum til barnaverndarnefnda fjölgaði um 7,4% fyrstu níu mánuði ársins 2013 samanborið við fyrstu níu mánuði ársins 2012

Hér er að finna samanburð á fjölda tilkynninga og fjölda umsókna um þjónustu til Barnaverndarstofu

26 nóv. 2013

Barnaverndarstofa birtir nú samanburð á fjölda tilkynninga til barnaverndarnefnda skv.  sískráningu nefndanna fyrir fyrstu níu mánuði áranna 2012 og 2013. Endanlegar upplýsingar um fjölda tilkynninga koma fram í samtölublöðum barnaverndarnefndanna sem birtast í ársskýrslu Barnaverndarstofu. Einnig er hér að finna upplýsingar um fjölda umsókna um þjónustu til Barnaverndarstofu fyrir fyrstu níu mánuði áranna 2012 og 2013.

Tilkynningar til barnaverndarnefnda
Tilkynningum til barnaverndarnefnda fjölgaði um 7,4% fyrstu níu mánuði ársins 2013 samanborið við fyrstu níu mánuði ársins 2012. Fjöldi tilkynninga var 6.263 fyrstu níu mánuði ársins 2013, en 5.832 fyrir sama tímabil árið á undan. Fleiri tilkynningar bárust um drengi, en stúlkur, en hlutfall tilkynninga vegna drengja var 54,7% fyrst níu mánuði ársins 2013. Tilkynningum á höfuðborgarsvæðinu fjölgaði um rúmlega 3% en fjölgunin var rúmlega 17% á landsbyggðinni. Þess ber að geta að tilkynning til barnaverndarnefndar verður að barnaverndarmáli ef tekin er ákvörðun um könnun máls í kjölfar tilkynningarinnar. Flestar tilkynningar voru vegna vanrækslu eða 36,8% tilkynninga fyrstu níu mánuði ársins 2013. Fyrir sama tímabil árið á undan voru flestar tilkynningar vegna áhættuhegðunar barns eða 41,1%. Hlutfall tilkynninga um ofbeldi fyrstu níu mánuði ársins 2013 var 26,2%, en 22,9% fyrir sama tímabil árið á undan. Hlutfall tilkynninga þar sem að heilsu eða lífi ófædds barns var stefnt í hættu hækkaði úr 0,6% fyrstu níu mánuði ársins 2012 í 0,7% fyrstu níu mánuði ársins 2013.

Umsóknir til Barnaverndarstofu
Umsóknum um Stuðla fækkaði fyrstu níu mánuði ársin 2013 miðað við sama tímabil árið á undan. Umsóknir voru 27 fyrstu níu mánuði ársins 2013 en 32 fyrir sama tímabil árið á undan. Umsóknum um meðferðarheimili fjölgaði úr 17 umsóknum í 19 fyrstu níu mánuði ársins 2013 miðað við sama tímabil árið á undan. Alls bárust 57 umsókn um MST fyrstu níu mánuði ársins 2013, sem er fjölgun frá árinu á undan, en þá bárust 45 umsókn fyrir sama tímabil. Umsóknum um ábendingu um hæfa fósturforeldra fjölgaði úr 82 í 98 á umræddu tímabili.

Hér er hægt að nálgast skýrsluna í heild sinni.

 


Nýjustu fréttir

19. okt. 2021 : Samanburður á fjölda tilkynninga fyrstu 9 mánuði 2019-2021

Tilkynningum vegna kynferðislegs ofbeldis fjölgar

Lesa meira

12. okt. 2021 : Náum áttum - morgunverðarfundur miðvikudaginn 13. október 2021 kl. 8:30-10:00 á Zoom

Náum áttum er samstarfshópur um fræðslu- og forvarnarmál eftirfarinna aðila: Barnaheill-Save the Children á Íslandi, Barnaverndastofa, Embætti landlæknis, Félag fagfólks í frístundaþjónustu, FRÆ Fræðsla og forvarnir, Heimili og skóli, IOGT á Íslandi, Lögreglan á höfuðborgarsvæðinu, Reykjavíkurborg, Samband íslenskra sveitarfélaga, Umboðsmaður barna, Vímulaus æska/Foreldrahús og Þjóðkirkjan.

 

Yfirskift fundarins er: Leiðir að félagsfærni og vellíðan barna í skólum og er fundurinn opinn öllum sem hafa áhuga. Nánari upplýsingar um fundinn má nálgast hér .

Skráning fer fram á naumattum.is

Hjólabrettastelpa

23. ágú. 2021 : Samanburður á fjölda tilkynninga fyrstu 6 mánuði 2019-2021

Tilkynningum vegna kynferðislegs ofbeldis fjölgar

Lesa meira

Þetta vefsvæði byggir á Eplica