Barnaverndarþing 2014 - FRÉTTATILKYNNING
Barnaverndarstofa vekur athygli á Barnaverndarþingi, sem haldið verður 25. og 26. september á Hilton Reykjavík Nordica undir yfirskriftinni Réttur til verndar, virkni og velferðar. Þingið er fyrsta heildstæða íslenska ráðstefnan um barnavernd og munu tugir innlendra og erlendra fyrirlesara halda erindi á þinginu, sem rúmlega 200 manns munu sækja.
Á þinginu verður varpað fram fjölmörgum áleitnum spurningum varðandi barnavernd, s.s:
-
Þarf að stokka upp barnaverndarkerfinu á Íslandi?
-
Er rannsókn á tilkynningum til barnaverndarnefnda áfátt?
-
Er vinnsla barnaverndarmála í lagi?
-
Virkar meðferð fyrir börn og unglinga vegna neyslu og áhættuhegðunar?
-
Er hægt að bæta uppeldisaðstæður á heimilum barna og geta foreldrar orðið betri foreldrar og hvað þarf svo að vel takist til?
-
Hvernig náum við til barna sem hafa verið beitt ofbeldi eða upplifað heimilisofbeldi?
-
Hvaða stuðning er hægt að veita fjölskyldum og börnum sem orðið hafa fyrir ofbeldi eða annars konar áföllum?
-
Er tæling barna gegnum netið algeng?
-
Hvar eiga erfiðustu börnin heima?
Hægt er að fá nánari upplýsingar um þingið og fyrirlestra með því að smella á hnappinn til hægri hér á síðunni eða með því að hafa samand við eftirfarandi aðila, sem einnig geta hafa milligöngu um viðtöl við fyrirlesara:
Halldór Hauksson, s. 891-9212
Heiðu Björgu Pálmadóttur, s. 898-6521
Pál Ólafsson, s. 663-2101
