Barnahús í Danmörku eins árs!

Samkvæmt nýlegum lagabreytingum er öllum sveitarfélögum í Danmörku skylt að nýta sér þjónustu húsanna fyrir börn sem orðið hafa fyrir líkamlegu- og/eða kynferðislegu ofbeldi.

11 nóv. 2014

Þann  1. október  sl. var liðið eitt ár frá því að opnuð voru fimm Barnahús í Danmörku. Samkvæmt nýlegum lagabreytingum er öllum sveitarfélögum í Danmörku skylt að nýta sér þjónustu húsanna fyrir börn sem sætt hafa líkamlegu- og/eða kynferðislegu ofbeldi. Markmiðið með stofnun barnahúsanna í Danmörku er að börn sem hafa sætt líkamlegu og/eða kynferðislegu ofbeldi fái sérhæfða og samhæfða þjónustu á einum stað sem hannað er til að mæta þörfum barna sem best. Þeir aðilar sem aðkomu hafa að málum barnanna koma saman í Barnahúsi eins og kostur er, til að tryggja góða, samhæfða og þverfaglega þjónustu fyrir börnin og þeirra aðstandendur.

Á þessu fyrsta ári var 999 málum vísað í barnahúsin og er tæplega 600 málum lokið. Af þeim málum sem lokið er varða um 60% málanna líkamlegt ofbeldi, 36% kynferðislegt ofbeldi og í 4% málanna hefur barn bæði sætt líkamlegu og kynferðislegu ofbeldi.

Í 80% af þeim málum sem lokið er og varða kynferðislegt ofbeldi eru stúlkur 80% barnanna og drengir 20%. Þegar um líkamlegt ofbeldi var að ræða var kynjaskiptingin jafnari eða 48% stúlkur og 52% drengir. Aldur barnanna var í 62% tilvika 0-11 ára og í 38% tilvika 12-17 ára.

Frekari upplýsingar um Barnahúsin í Danmörku má sjá hér í frétt frá Socialstyrelsen í Danmörku.

http://www.socialstyrelsen.dk/born-og-unge/aktuelt/bornehuse-giver-ny-viden-om-overgreb-mod-born-og-unge


Nýjustu fréttir

27. apr. 2021 : Aðgerðir stjórnvalda gegn stafrænu ofbeldi gegn börnum

Miðvikudaginn 28. apríl n.k. verður haldinn fundur þar sem farið verður yfir aðgerðir stjórnvalda til að vinna gegn kynferðislegu / stafrænu ofbeldi gegn börnum hér á landi. Aðgerðirnar fela m.a. í sér aldursmiðaða fræðslu og forvarnir, þjálfun starfsmanna innan réttargæslukerfisins, endurskoðun á verklagi og úrbætur í upplýsingamiðlun. 

Hér má nálgast tengil á viðburðinn sem verður á facebook.

https://www.facebook.com/events/476350143687436/

Lesa meira

25. mar. 2021 : Viðbrögð Barnaverndarstofu vegna sóttvarnaraðgerða. Afgreiðslu Barnaverndarstofu í Borgartúni 21 verður lokað frá og með 25 mars til 15 apríl. Símsvörun í 530 2600 verður frá kl: 09 – 12 og 13 - 15. Áfram er hægt að senda póst á bvs@bvs.is.

Afgreiðslu Barnaverndarstofu í Borgartúni 21 verður lokað frá og með deginum í dag til 15 apríl. Símsvörun í 530 2600 verður frá kl: 09 – 12 og 13 - 15. Áfram verður hægt að ná í einstaka starfsmenn með tölvupósti og ávallt er hægt að senda póst á bvs@bvs.is Ráðgjöf mun að mestu fara fram í gegnum síma, netpóst og fjarfundarbúnað. Áfram verða símatímar fyrir almenning þriðjudaga og fimmtudaga kl 11 - 12. 

Lesa meira

05. mar. 2021 : Barnaverndarstofa biður konur afsökunar sem voru vistaðar á Laugalandi (áður Varpholt)

Hópur kvenna, sem vistaður var á meðferðarheimilinu á Laugalandi (áður Varpholt), steig nýverið fram og lýsti slæmri reynslu sinni af heimilinu undir stjórn fyrri rekstraraðila á árunum 1997 – 2007. Barnaverndarstofa biður þær konur, sem vistaðar voru á heimilinu, afsökunar á að ekki hafi verið brugðist betur við þeim upplýsingum sem stofunni bárust varðandi starfsemi heimilisins.

Lesa meira
Hjólabrettastelpa

11. feb. 2021 : 112-dagurinn – öryggi og velferð barna og ungmenna

Vitundarvakning um öryggi og velferð barna og ungmenna
112-dagurinn er haldinn um allt land í dag og er sjónum að þessu sinni beint að öryggi og velferð barna og ungmenna, enda fjölgaði tilkynningum til barnaverndarnefnda gríðarlega á síðasta ári.

Lesa meira

05. feb. 2021 : Greining á tölulegum upplýsingum fyrir árið 2020

Barnaverndarstofa hefur tekið saman fjölda tilkynninga til barnaverndarnefnda skv. sískráningu fyrir allt árið 2020 og borið saman við tölur frá árunum 2019 og 2018. Endanlegar upplýsingar um fjölda tilkynninga koma fram í samtölublöðum barnaverndarnefndanna sem birtast í sérstakri skýrslu sem gefin er út árlega. Einnig er að finna upplýsingar um fjölda umsókna um þjónustu til Barnaverndarstofu árin 2018, 2019 og 2020.

Lesa meira

Þetta vefsvæði byggir á Eplica