Trappan - Loksins á Íslandi

Námskeið fyrir fagfólk um börn og heimilisofbeldi

31 mar. 2015

Dagana 16 og 17. mars sl. hélt Inger Ekbom, félagsráðgjafi frá Svíþjóð, námskeið í Fjölskyldusetri Reykjanesbæjar fyrir fagfólk sem vinnur með börnum sem búa við eða hafa búið við heimilisofbeldi. Inger Ekbom er annar höfunda meðferðarúrræðisins Trappan en það er notað af fagaðilum félagsþjónustunnar víðs vegar í Svíþjóð og Finnlandi auk þess sem Trappan hefur verið kennd á háskólastigi í Svíþjóð til margra ára. Námskeiðið var styrkt af Velferðarvakt ríkisins fyrir tilstilli Velferðarvaktar Suðurnesja.

Áhrif heimilisofbeldis á börn

Að verða fyrir heimilisofbeldi er mjög ógnandi lífsreynsla sem getur haft áhrif á þroska barna. Börn sem búa við heimilisofbeldi þróa oft með sér ákveðin einkenni eins og depurð, lágt sjálfsmat, verkkvíða, skerta félagsfærni, samskiptavanda og margvíslegan tilfinninga- og hegðunarvanda. Það er mikilvægt að mæta þeim börnum sem búa við heimilisofbeldi og veita þeim viðeigandi meðferð svo þau geti unnið úr reynslu sinni.

Leið til hjálpar

Alls tóku 22 fagaðilar þátt í námskeiðinu Trappan en þeir komu frá félagsþjónustunum á Suðurnesjum, barnavernd Kópavogs, Mosfellsbæjar og Reykjavíkur. Einnig frá fræðslusviði Reykjanesbæjar og Kvennaathvarfinu.

Námskeiðið var mjög áhugavert og fræðandi en þar var kennd aðferð til að vinna með börnum sem hafa upplifað heimilisofbeldi.  Um er að ræða vikuleg viðtöl í 6-10 vikur og hægt er að taka börn frá fjögurra ára aldri í meðferð. Meðferðin er þrepaskipt og byggist á þremur þrepum.  Í þrepi eitt er lögð áhersla á að mynda tengsl við barnið, því þarf að líða vel og upplifa sig öruggt svo að það geti greint frá erfiðri lífsreynslu. Í þrepi tvö er lögð áhersla á uppbyggingu þar sem börnin vinna úr lífsreynslu sinni og setja orð á tilfinningarnar. Einnig er fjallað um eðlileg og óeðlileg samskipti.  Í þrepi þrjú er unnið með þekkinguna sem hefur skapast í þrepi tvö, farið í tengslakort barnanna og börnin  fá aðstoð við að búa til ákveðið hjálparkort. Einnig er rætt um framtíðina og hvað tekur við að lokinni meðferð.  Lagt er mat á það hvort að börnin þurfa á sérhæfðari meðferð að halda en það sem Trappan býður upp á svo hægt sé að vísa þeim í viðeigandi úrræði.

Fyrsta skrefið í átt til sérhæfðrar meðferðar

Með þessu námskeiði er fjölskyldu-og félagsþjónusta Reykjanesbæjar að taka fyrsta skrefið til að mæta þeim börnum sem búa við heimilisofbeldi, því ekki hefur verið mikið um sérhæfða meðferð fyrir börn í þessum aðstæðum á Íslandi. Mikilvægt er að fagaðilar sem vinna með börnum sem búa við heimilisofbeldi fái svigrúm innan sinnar stofnunar til að vinna með börnin því aðstæður og líðan þeirra eru ekki góðar. Heimilisofbeldi er samfélagslegt vandamál og við verðum öll að taka höndum saman til að uppræta þetta samfélagslega mein.

Innsend grein: María Gunnarsdóttir forstöðumaður barnaverndar Reykjanesbæjar.


Nýjustu fréttir

03. des. 2020 : Greining á tölulegum upplýsingum frá barnaverndarnefndum

Tilgangur greiningarinnar er að leggja mat á hvort og þá hvaða áhrif COVID-19 faraldurinn hefur haft á tilkynningar til barnaverndarnefnda. Sambærilegar greiningar hafa áður verið gerðar vegna mars til september 2020.

Lesa meira

05. nóv. 2020 : Greining á tölulegum upplýsingum síðustu níu mánaða

Barnaverndarstofa hefur tekið saman fjölda tilkynninga til barnaverndarnefnda skv. sískráningu fyrstu níu mánuði 2020 og borið saman við sama tímabil árin 2019 og 2018. Endanlegar upplýsingar um fjölda tilkynninga koma fram í samtölublöðum barnaverndarnefndanna sem birtast í sérstakri skýrslu sem gefin er út árlega. Einnig er að finna upplýsingar um fjölda umsókna um þjónustu til Barnaverndarstofu á fyrstu níu mánuðum áranna 2018, 2019 og 2020.

Lesa meira

21. sep. 2020 : Viðbrögð Barnaverndarstofu vegna Covid-19 veirunnar

Afgreiðsla í Borgartúni 21 verður lokuð en tekið er á móti pósti. Símsvörun í 530 2600 frá kl. 10 til 12 og 13 til 15. Alltaf hægt að senda netpóst á bvs@bvs.is

Lesa meira

07. sep. 2020 : Samanburður á tölum fyrstu sex mánuði 2018 – 2020

Barnaverndarstofa hefur tekið saman tölur vegna fyrstu 6 mánuði ársins og borið saman við tölur frá árinu 2018 og 2019

Lesa meira

01. sep. 2020 : Greining á tölulegum upplýsingum frá barnaverndarnefndum

Barnaverndarstofa hefur greint tölur sem borist hafa frá barnaverndarnefndum vegna tilkynninga sem bárust í júní og júlí 2020 og borið þær saman við tölur í maí 2020 og tölur frá 1. janúar 2019 til og með 29. febrúar 2020

Lesa meira

Þetta vefsvæði byggir á Eplica