Nýir starfsmenn Barna- og fjölskyldustofu

12 maí 2022

Ráðningar forstöðumanna á meðferðarheimilum

Úlfur Einarsson hefur verið ráðinn í stöðu forstöðumanns á Stuðlum. Úlfur er útskrifaður frá Háskóla Íslands sem framhaldsskólakennari og hefur lokið viðbótardiplómu á framhaldsstigi í afbrotafræði. Þá hefur hann starfað á Stuðlum frá árinu 2009 í fjölbreyttum störfum næturvarðar, ráðgjafa og hópstjóra. Á árunum 2018 til 2021 gegndi Úlfur starfi deildarstjóra á vistheimilinu Fannafold og meðferðarheimilinu Lækjarbakka ásamt því að starfa sem verkefnastjóri skóla- og atvinnumála frá 2020 á meðferðaheimilum Barna- og fjölskyldustofu. Úlfur  tók við stöðu forstöðumanns  Stuðla 1. maí s.l.

Dögg Þrastardóttir tekur við sem forstöðumaður Lækjarbakka. Lækjarbakki mun nú heyra beint undir meðferðarsvið Barna- og fjölskyldustofu. Dögg hefur verið í stöðu deildarstjóra frá því að Lækjarbakki varð deild útfrá Stuðlum. Dögg er félagsráðgjafi að mennt og hefur áður starfað í barnavernd og fötlunarmálum.

Einnig hefur verið gengið frá ráðningu á forstöðumanni á meðferðarheimili að Laugalandi. Í starfið var ráðin Ólína Freysteinsdóttir, hún er með BA próf í nútímafræðum og meistarapróf í bæði náms- og starfsráðgjöf og fjölskyldumeðferð. Ólína hefur starfað sem fjölskyldumeðferðarfræðingur, sem náms- og starfsráðgjafi hjá háskólanum á Akureyri og nú síðast í BUG- teymi hjá sjúkrahúsinu á Akureyri svo eitthvað sé nefnt.


Nýjustu fréttir

Hjólabrettastelpa

24. nóv. 2022 : Barnavernd á Covidtímum - kynferðisofbeldi gegn börnum

Barna-og fjölskyldustofa fer af stað með röð málstofa undir yfirskriftinni “Barnavernd á Covidtímum”.

Lesa meira

10. nóv. 2022 : Morgunverðarfundur Náum áttum 16. nóvember n.k.

Börn sem beita ofbeldi

Lesa meira

17. okt. 2022 : Morgunverðarfundur Náum áttum 19. október 2022

Ungmenni og vímuefni - áhrifaþættir í uppeldi

Lesa meira
Hjólabrettastelpa

06. okt. 2022 : Barnavernd á Covid tímum - málstofa 7. október n.k.

Þann 7. október 2022 er fyrsti fundur af fjórum þar sem fjallað verður sérstaklega um líkamlegt og andlegt ofbeldi gegn börnum á Covidtímum. Einstaklingar frá Barna- og fjölskyldustofu, Barnahúsi, Barnavernd Reykjavíkur og Kvennaathvarfinu koma til okkar og halda stutt erindi.

Lesa meira

19. sep. 2022 : Fræðsluáætlun Barna- og fjölskyldustofu haustið 2022

Birt hefur verið fræðsluáætlun Barna- og fjölskyldustofu fyrir haustið 2022

Lesa meira

14. sep. 2022 : Morgunverðarfundur Náum áttum: Skilnaður og áhrif á börn.

Miðvikudaginn 21. september 2022 kl. 8:30 - 10:00 á ZOOM

Lesa meira

Þetta vefsvæði byggir á Eplica