|
 |
||
 |
||
 |
||
 |
||
 |
||
 | ||
| ||
 |
||
 |
||
 |
||
 |
||
 |
||
Um Barnahús  |
| Skýrsla um stöðu Barnahúss Bæklingur um Barnahús Bæklingur - kynferðisleg hegðun barna, hvað er viðeigandi? Um Barnahús Barnahús hóf starfsemi í nóvember 1998. Rekstur þess er á vegum Barnaverndarstofu sem fer með stjórn barnaverndarmála í umboði félagsmálaráðuneytisins. Barnahús sinnir málefnum barna sem grunur leikur á að hafi sætt kynferðislegri áreitni eða ofbeldi. Barnaverndarnefndir bera ábyrgð á vinnslu slíkra mála og geta óskað eftir þjónustu Barnahúss. Börn og forráðamenn þeirra geta með tilvísun barnaverndarnefnda fengið alla þjónustu á einum stað sér að kostnaðarlausu. Sæti mál lögreglurannsókn fer staðsetning skýrslutöku eftir ákvörðun dómara en barnaverndarnefndir geta óskað eftir annarri þjónustu Barnahúss. Barnaverndarnefndir geta leitað til Barnahúss vegna gruns um annars konar ofbeldi gegn börnum. Símanúmer í Barnahúsi er 530-2500 Pósthólf 4035 124 Reykjavík Ólöf Ásta Farestveit uppeldis- og afbrotafræðingur er forstöðumaður Barnahúss netfang: olof@barnahus.is Aðrir starfsmenn eru: Geirný Sigurðardóttir, ritari netfang: geirny@barnahus.is Margrét Kristín Magnúsdóttir, sálfræðingur netfang: margret@barnahus.is Þorbjörg Sveinsdóttir, M.A. sálfræði netfang: thorbjorg@barnahus.is Þóra Sigfríður Einarsdóttir, sálfræðingur netfang: thora@barnahus.is Helstu markmið Barnahúss Að skapa vettvang fyrir samstarf og samhæfingu stofnana sem bera ábyrgð á rannsókn og meðferð mála er varða kynferðisofbeldi gegn börnum: Dómara, ákæruvalds, lögreglu, barnaverndaryfirvalda og lækna. Að koma í veg fyrir áföll vegna endurtekinna viðtala við börn á ólíkum stöðum og við mismunandi aðila. Að tryggja faglega hæfni, reynslu og þekkingu til að framkvæma rannsóknarviðtöl við börn. Að koma á faglegum verklagsreglum við vinnslu mála er varða kynferðisofbeldi. Að efla sérþekkingu um kynferðisofbeldi gegn börnum og miðla þeirri þekkingu jafnt til fagfólks sem almennings. Að tryggja barni viðeigandi greiningu og meðferð. Að tryggja jákvætt umhverfi sem uppfyllir þarfir barna, fyrir rannsóknarviðtöl, læknisskoðun og meðferð. Hvað á að gera? Ef þú telur að barn sæti kynferðisofbeldi eða sé misboðið á einhvern hátt skalt þú tilkynna það barnaverndarnefnd þar sem barnið er dvalfast. Leyfðu barninu að njóta vafans og láttu fagfólk meta þörf á aðgerðum. Samkvæmt 16. gr. barnaverndarlaga nr. 80/2002 er hverjum þeim sem hefur ástæðu til að ætla að barn búi við óviðunandi uppeldisaðstæður, verði fyrir áreitni eða ofbeldi eða stofni heilsu sinni og þroska alvarlega í hættu skylt að tilkynna það barnaverndarnefnd. Í 17. gr. sömu laga er sérstök áhersla lögð á tilkynningarskyldu þeirra sem starfa sinna vegna hafa afskipti af málefnum barna. Tilkynningarskyldan gengur framar ákvæðum laga eða siðareglna um þagnarskyldu viðkomandi starfstétta. Þegar barn segir frá Það er aldrei auðvelt fyrir barn að greina frá kynferðisofbeldi eða öðru ofbeldi. Oft hefur barnið þurft að telja í sig kjark í langan tíma og stundum segir barnið frá slíku án þess að ætla sér það. Ef barn tekur það skref að segja frá slíkri reynslu er mikilvægt að bregðast rétt við. Trúðu barninu Tilkynntu málið til barnaverndarnefndar Láttu barnið vita að það var rétt að segja frá Fullvissaðu barnið um að ofbeldið sé ekki því að kenna Hlustaðu á barnið en ekki yfirheyra það Tryggðu öryggi barnsins Mundu að þín viðbrögð skipta máli fyrir horfur barnsins og hvernig það tekst á við afleiðingar ofbeldisins |
|
|
