Í þessum þáttum fræðumst við um ýmislegt sem tengist barnavernd og vinnu með börn sem eiga í vanda. Við munum tala við starfsfólk í barnavernd, ráðamenn málaflokksins og áhugaverða einstaklinga sem tengjast honum.
Við viljum vita er hlaðvarp Barnaverndarstofu en þar ræðum við um helstu málefni barna og barnaverndar.
Barna- og fjölskyldustofa tekur til starfa þann 1. janúar 2022 og er hlutverk hennar að innleiða og styðja við þjónustu við börn og fjölskyldur samkvæmt lögum um samþættingu í þágu farsældar barna. Ólöf Ásta Farestveit er forstjóri nýrrar stofnunar.
Á nýrri heimasíðu Barna- og fjölskyldustofu www.bofs.is sem er í undirbúningi verða áfram gagnlegar upplýsingar um barnavernd en við bætast upplýsingar um og fyrir tengiliði, málstjóra og stuðningsteymi skv. nýju lögunum. Unnið er að framtíðarskipulagi nýrrar stofnunar en á meðan sú vinna stendur yfir verða engar breytingar á daglegri starfsemi Barnaverndarstofu. Viðskiptavinir munu því ekki upplifa neinar breytingar á samstarfi við stofuna að svo stöddu og verða netföng stofunnar óbreytt þar til nýtt skipulag liggur fyrir.
