Barnahús

Barnahús sinnir málefnum barna sem grunur leikur á að hafi sætt kynferðislegri áreitni eða ofbeldi. Barnaverndarnefndir bera ábyrgð á vinnslu slíkra mála og geta óskað eftir þjónustu Barnahúss. 

 Börn og foreldrar þeirra geta með tilvísun barnaverndarnefnda fengið alla þjónustu á einum stað sér að kostnaðarlausu. Sæti mál lögreglurannsókn fer staðsetning skýrslutöku eftir ákvörðun dómara en barnaverndarnefndir geta óskað eftir annarri þjónustu Barnahúss. Barnaverndarnefndir geta leitað til Barnahúss vegna gruns um annars konar ofbeldi gegn börnum.

Hér má finna bækling um kynferðislega hegðun barna

Könnunarviðtal

Fer fram að beiðni barnaverndarnefnda ef þörf er á þegar ekki er óskað eftir lögreglurannsókn (ss. ef meintur gerandi er ósakhæfur eða tilefni grunsemda er kynferðisleg hegðun barns). Viðstaddur er starfsmaður barnaverndarnefndar en framkvæmdin er að öðru leyti eins og við skýrslutöku.

Sérhæfð greining

Barnaverndarnefndir geta að loknu viðtali við barnið óskað eftir greiningu til að meta hugsanlegar afleiðingar kynferðisofbeldisins á barnið og fjölskyldu þess.

Meðferð

Hafi greining leitt í ljós þörf á frekari stuðningi geta barnaverndarnefndir óskað eftir meðferð fyrir barnið ásamt ráðgjöf til foreldra. Sérfræðingar Barnahúss sinna greiningu og meðferð í heimabyggð barnsins sé þess óskað.

Læknisskoðun

í Barnahúsi er mjög góð aðstaða til læknisskoðunar. Kvensjúkdómalæknir, barnalæknir og hjúkrunarfræðingur sjá um skoðunina þegar þess er þörf.

Ráðgjöf og fræðsla

leiðbeiningar til þeirra sem þarfnast upplýsinga vegna gruns um kynferðisofbeldi. Fyrirlestrar og fræðsla.

Nánari upplýsingar

Símanúmer:  530-2500
Nefang: barnahus@barnahus.is


Þetta vefsvæði byggir á Eplica