Ráðgjöf og fræðsla Barnaverndarstofu
Ráðgjafar- og fræðslusvið veitir ráðgjöf um barnaverndarmál og vinnslu barnaverndarmála fyrir almenning og starfsfólk sem vinnur með börnum. Símatími ráðgjafa Barnaverndarstofu er á milli 11-12 á þriðjudögum og fimmtudögum í síma 5302600.
Hægt er að senda inn fyrirspurnir á netinu og er þeim svarað eins fljótt og kostur er.
Ráðgjafar- og fræðslusvið sinnir almennri ráðgjöf til starfsmanna barnaverndarnefnda:
- Vegna tilkynninga um ráðstöfun barns til bráðabirgða skv. 44. gr. reglugerðar nr. 652/2004
- Vegna vinnslu barnaverndarmála, verklags og málsmeðferðar
- Vegna skráningarmála s.s. mánaðarlegrar sískráningar og samtölueyðublaðs
- Vegna umsókna um leyfi skv. 84. gr. barnaverndarlaga
Meðferðar- og fóstursvið sinnir ráðgjöf til starfsmanna barnaverndarnefnda:
- Vegna umsókna sem borist hafa vegna vistunar barna utan heimilis s.s. greiningarvistun á Stuðlum, vistun á meðferðarheimili eða styrkt fóstur
- Vegna vals á fósturfjölskyldum
- Vegna umsókna um sálfræðiþjónustu fyrir börn vegna óviðeigandi kynhegðunar
- Vegna umsókna um MST
Upplýsinga- og fræðslustarf
Barnaverndarstofa veitir almenningi upplýsingar og fræðslu um starfsemi barnaverndaryfirvalda með sérstakri áherslu á kynna þær skyldur sem hvíla á almenningi samkvæmt barnaverndarlögum. Þá er stofunni einnig ætlað að kynna barnaverndarlögin og þær skyldur sem þeim fylgja reglulega fyrir starfsstéttum sem sérstaklega hafa afskipti af börnum í starfi sínu.
Smelltu á hér til að senda fyrirspurn til Barnaverndarstofu
Skoðið einnig heimasíðu Velferðarráðuneytisins varðandi barnaverndarmál.
Á vefnum 112.is má finna fræðsluefni um ofbeldi, úrræði og fleira.
Á vef stjórnarráðsins má finna fræðsluefni um ofbeldi gegn börnum
