Breyting á eftirliti með meðferðarheimilum

3 sep. 2003

Í samræmi við ákvæði barnaverndarlaga og reglugerðar um Barnaverndarstofu skal stofan hafa bæði faglegt og fjárhagslegt eftirlit með þeim meðferðarheimilum sem rekin eru á vegum ríksins. Einn liður í þessu eftirliti felst í vettvangsheimsóknum sem farnar eru með reglulegu millibili, tvisvar til þrisvar sinnum árlega. Í júlí sl. gerði Barnaverndarstofa samning við einkaaðila, Jón Björnsson, sálfræðing um að taka að sér þennan þátt eftirlitsins. Samningurinn er til eins árs og verður reynslan af verkefninu metin í kjölfarið. Með þessari breytingu er reynt að aðskilja eftirlit frá þeirri ráðgjöf sem Barnaverndarstofa veitir meðferðarheimilunum. Jafnframt er markmið samningsins að þróa starfsaðferðir við eftirlit heimilanna.